«Here Comes the Sun» er ein song av The Beatles på albumet Abbey Road frå 1969. Songen er skriven av George Harrison og er ein av dei mest kjende Beatles-songane av Harrison ved sidan av «Something»
Songen hadde opphav i eit samarbeid mellom Harrison og den nære venen Eric Clapton som resulterte i songen «Badge», spelt inn med Clapton si dåverande gruppe Cream. Det var mellomspelet i songen, brua, som danna grunnlaget for «Here Comes the Sun». Den endelege versjonen av songen vart skriven i hagen til Clapton då Harrison prøvde å unngå dei endelause møta i Apple Records. 1969 var eit vanskeleg år for George Harrison; han vart arrestert for oppbevaring av cannabis, han hadde fått mandlane fjerna og han slutta mellombels i The Beatles. «Here Comes the Sun» vart skriven medan Harrison ei stund følte seg borte frå desse problema.
Medverkande I følgje Ian MacDonald var besetninga til The Beatles på innspelinga som følgjer:
The Beatles George Harrison – solo- og korvokal, akustisk og elektrisk gitar, harmonium, Moog synthesizer, klapping Paul McCartney – korvokal, bass, klapping Ringo Starr – trommer, klapping
Orkesster Fire uvisse musikarar på bratsj, fire cello, kontrabass, to pikkolofløyter, to fløyter, to altfløyter, to klarinettar
John Lennon var fråverande då songen vart spelt inn på grunn av ei trafikkulukke i Skottland.
Andre versjonar
Den afroamerikanske folk/soul-artisten Richie Havens, som vart kjent for konserten på Woodstock-festivalen, gav ut ein versjon av «Here Comes the Sun» i 1971 og nådde ein 16.-plass på den amerikanske Billboard-lista.
Den britiske gruppa Steve Harley & Cockney Rebel nådde tiendeplass på dei britiske listene i 1976 med sin versjon.
Jazz/soul-artisten Nina Simone gav i 1971 ut eit album med tittelen Here Comes the Sun, som mellom anna inneheldt hennar eiga særs personlege tolking av songen.
Kjelder Denne artikkelen bygger på «Here Comes the Sun» frå , den 11. februar 2009.
Bakgrunnsstoff Tekst Melding på Allmusic Alan W. Pollack om songen
Kategori:Balladar frå 1960-åra Kategori:Songar frå 1969 Kategori:Singlar frå 1970 Kategori:Singlar frå 1971 Kategori:Singlar frå 1976 Kategori:Popballadar Kategori:Songar produserte av George Martin Kategori:Songar skrivne av George Harrison Kategori:The Beatles-songar Kategori:Nina Simone-songar Kategori:Steve Harley-songar Kategori:We Five-songar Kategori:Apple Records-singlar Kategori:EMI Records-singlar Kategori:Hugo Montenegro-songar Kategori:George Benson-songar Kategori:Richie Havens-songar Kategori:Richie Havens-songar Kategori:Peter Tosh-songar Kategori:James Last-songar Kategori:Sergio Mendes-songar Kategori:The Runaways-songar Kategori:Womack & Womack-songar Kategori:Lou Rawls-songar Kategori:Dan Fogelberg-songar Kategori:Nick Cave-songar Kategori:John Entwistle-songar Kategori:Sheryl Crow-songar Kategori:Belle and Sebastian-songar Kategori:Herb Alpert-songar Kategori:Booker T. & the M.G.'s-songar Kategori:Greg Lake-songar Kategori:James Taylor-songar