«Glass Onion» er ein The Beatles-song frå dobbeltalbumet The Beatles som vart gjeven ut i 1968. Songen er skriven av John Lennon, men tilskriven på vanleg vis Lennon/McCartney.
«Glass Onion», som vart produsert av George Martin og innspelt den 11. september 1968, er innhaldsmessig ein lang referanse til kjende Beatles-songar som eit svar til alle tilhengjarane som stadig leitte etter skjulte meiningar i tekstane. Essensen, slik Sigmund Freud ein gong sa at «av og til er ein sigar ikkje noko anna enn ein sigar», hos Lennon er at av og til representerer ikkje orda noko anna enn seg sjølv. «Glass Onion», «glaslauken», spelar på eit kjent engelsk slenguttrykk «know one's onions» som på norsk tyder «kunne sine ting». Når Lennon då syng at «The Walrus was Paul» er det ein referanse til songen «I Am the Walrus» der The Beatles opptredde i kostyme og dessuten er påstanden er bevisst løgn, kvalrossen var i røynda John Lennon:
I told you about the walrus and me, man You know that we're as close as can be, man Well here's another clue for you all The walrus was Paul
Referansar til Beatles-songar Andre Beatles-songar som vert nemnd i «Glass Onion» er: «Strawberry Fields Forever» «There's a Place» «Within You Without You» «I'm Looking Through You» «Lady Madonna» «The Fool on the Hill» «Fixing a Hole»
Om Lennon lukkast i å dempe overivrig analyselyst er ei annan sak. Faktisk kan songen ha hatt ein stikk motsett effekt. Han kom sjølv tilbake til songen nokre år seinare i ein annan song som kommenterte artisten sjølv; «God» på sitt første solo-album: «I was the walrus but now I'm John.»
I dag er Glass Onion vorte eit omgrep for å analysere ein Beatles-song.
Medverkande John Lennon – vokal, akustisk gitar Paul McCartney – bassgitar, piano, blokkfløyte, vokal George Harrison – sologitar Ringo Starr – trommer, tamburin George Martin – strykearrangement inkludert: Henry Datyner – fiolin Eric Bowie – fiolin Norman Lederman – fiolin Ronald Thomas – fiolin John Underwood – bratsj Keith Cummings – bratsj Eldon Fox – cello Reginald Kilby – cello Personell per Ian MacDonald
Kjelder Denne artikkelen bygger på «Glass Onion» frå , den 8. februar 2009.
Bakgrunnsstoff Songteksten Alan W. Pollack sine notat om «Glass Onion»
Kategori:Songar frå 1968 Kategori:The Beatles-songar Kategori:Songar om The Beatles Kategori:Songar produserte av George Martin Kategori:Songar skrivne av Lennon–McCartney Kategori:Phish-songar