Partizansk (russisk Партиза́нск) er ein by i Primorskij kraj i Russland med om lag 30 000 innbyggjarar. Han ligg rundt 100 km aust for Vladivostok (vegavstand 236 km).
Byen vart grunnlagd i 1896 som Sutsjan (russisk: Суча́н) og han fekk bystatus i 1932. Like etterpå vart namnet endra til Gamarnik (russisk: Гама́рник), etter Jakov Gamarnik, ein russisk revolusjonær. Etter at Gamarnik vart arrestert i 1937, vart namnet endra tilbake til Sutsjan. I 1972 vart namnet igjen endra, til det noverande Partizansk, under utreinskinga av kinesiske stadnamn i Primorskij kraj.
Byen er i dag i tilbakegang, på grunn av nedgangen i utvinninga av kol frå gruvene rundt byen.
Kjelder
Bakgrunnsstoff
Kategori:Busetnader grunnlagde i 1896