Kimovsk (russisk Ки́мовск) er ein by i Tula oblast i Russland med om lag 25 000 innbyggjarar. Han ligg på vasskiljet mellom elvane Don og Volga, rundt 70 km søraust for Tula.
Kimovsk vart grunnlagd under den andre verdskrigen i samband med intensiv utvinning av kol frå kolfelta rundt Moskva. Sovjetarane bygde mange gruver på landområdet til eit kolkhoz som heitte Unge Kommunistiske Internasjonale (russisk: Коммунистический интернационал молодёжи, forkorta КИМ (KIM, derfor namnet Kimovsk) og ein busetnad for gruvearbeidarane kalla Mikhajlovka (russisk: Миха́йловка). I 1948 vart namnet Mikhajlovka endra til Kimovsk og han fekk bystatus i 1952.
Kjelder
Delar av denne artikkelen bygger på «Kimovsk» frå , den 3. februar 2009.
Bakgrunnsstoff
Kategori:Busetnader grunnlagde i 1940-åra