Majskij (russisk Ма́йский) er ein by i Republikken Kabardino-Balkaria i Russland med om lag 25 000 innbyggjarar. Han ligg rundt 40 km nordaust for Naltsjik.
Den russiske militære utposten Prisjib vart grunnlagd på staden i 1819. Han vart omorganisert til stanitsaen Prisjibskaja i 1829. I 1875 vart jernbanestasjonen Kotljarevskaja bygt tre kilometer sør for stanitsaen, og i 1888 danna det seg ein busetnad rundt han. I 1920 vart namnet endra til Prisjibskij, og i 1925 til Majskij. I 1959 vart busetnaden og stanitsaen slått saman til den bymessige busetnaden Majskij. Han fekk bystatus i 1965.
Kjelder
Bakgrunnsstoff
Kategori:Byar grunnlagd i 1819