Springaren Jonsokdagen er ein gamal slått i Valdres, og høyrer til Ringestadspelet frå Vestre Slidre. Slåtten har og for det meste vore nytta i Valdres, men det er registrert variantar i Sogn og i Sigdal.
Slåtten har røter attende til 1700-talet i Valdres.
Variantgruppa
Slåtten har katalognr 495 (band VI) i Hardingfeleverket. Langt dei fleste variantane er skrivne ned i Valdres.
a: Springar frå Valdres, etter Olav Moe, Nord-Aurdal. Nedskrift Eivind Groven 1961 (G 1390, NRK magn. 53275).
b: Perigard-lått, etter Ivar Ringestad, Vestre Slidre. Nedskrift Arne Bjørndal 1912 (B 906). Ringestad hadde slåtten etter Ola Hamrisbrøta, Brøtaguten dei kalla. Brøtaguten hadde slåtten frå Jørgen Ringestad, Vestre Slidre.
c: Perigard-lått (Jonsokdagen), etter Andris Dahle, Øystre Slidre. Nedskrift Sven Nyhus 1976. Dahle hadde slåtten etter bestefaren, Ivar Ringestad, Vestre Slidre (variant b over).
d: Jonsokdagen, etter Torleiv Bolstad, Øystre Slidre. Nedskrift Sven Nyhus 1975. Bolstad hadde slåtten etter Ola Okshovd og andre spelemenn i Øystre Slidre (tradisjon etter Brøtaguten).
e: Springar, etter Lars Sande, Vik i Sogn. Nedskrift Arne Bjørndal 1916 (B 675). Sande hadde slåtten frå Sjur Berge, Balestrand.
f: Springar frå Sigdal, etter Ola Viksbråten, Sigdal. Nedskrift Truls Ørpen 1976 (Ø 287). Viksbråten hadde slåtten frå faren Torgeir Viksbråten. Nærskylde variantar finst i Valdres. Truls Ørpen har seinare spela inn slåtten.
Fotnotar
Kategori:Norske slåttar