Søndre Katland fyrstasjon er eit fyr som ligg på 2,5 sjømil ut frå Farsund i Agder. Det er eit leifyr i innseglinga til Farsund og uthamna Loshavn. Søndre Katland er særs utsett for vêr og vind og er ei dårleg hamn.
Fyret vart bygd i betong samstundes med Grønningen fyr utanfor Kristiansand. Begge desse fyra vart sett i drift 1. september 1878.
Under stormar har sjøen slått inn vindauga i 2. etasje og gjeve store vasskadar. Heile fyrbygningen kunne bli overskyld og sjølv pipa kunne verte fylt med vatn. Hamna på innsida av skjeret hadde opphavleg eit naust av tre. Etter at hard sjø øydela bygningen, vart han erstatta av ein bunkersliknande betongkonstruksjon som kunne verne båtane.
Då fyret var bemanna og matauk var viktig hadde ein kjøkkenhage i jordkassar som vart teke i hus kvar haust.
Fyret vart avbemanna i 1948.
Sjå òg Fyr i Noreg Fyrstasjonar i drift i Noreg
Kjelder
Bakgrunnsstoff Bilete Søndre Katland fyr
Kategori:Fyr i Farsund Kategori:Skipingar i 1878