Ukhta (russisk Ухта) er ei elv i Republikken Komi i Russland og ei av sideelvane til Izjma frå venstre i nedslagsfeltet til Petsjora. Ho er 199 km lang og har eit nedslagsfelt på 4510 km² og ei middelvassføring på 48,9 m³/s 13 km frå munningen.
Elva frys til i månadsskiftet oktober-november og vert isfri att i mai/juni.
Ukhta har utspring i Timanhøgdene. Ho renn først mot sør og seinare mot aust. Ho renn gjennom byen Ukhta og munnar ut i Izjma ved byen Sosnogorsk. Elva er stri med fleire stryk.
Kjelder Denne artikkelen bygger på «Ухта (река)» frå , den 29. september 2008.
Kategori:Elvar i Russland Kategori:Elvar i Komi