Carl Larsson () var ein svensk kunstmålar og heiminnreiar.

Larsson var fødd i Stockholm og voks opp i ein fattig familie, men då han var 13 oppmuntra læraren hans guten om å søka seg til Konstakademien. For å betala for dette og forsørga seg sjølv måtte han arbeida, mellom anna som retusjør for ein fotograf, samstundes som han studerte.

mini|venstre|Atelje-idyll, 1885

I 1877 hadde han spara nok pengar til å kunne dra til Paris, målarhovudstaden, som han vende tilbake til i 1880. Sommaren 1881 vitja han kunstnarkolonien Grèz-sur-Loing nær Fontainebleu der han byrja å måla akvarellar av naturen rundt seg. Deretter såg han etter motiv i nærleiken sin, til dømes kona Karin Larsson-Bergöö og den nyfødde dottera deira i Ateljéidyll.

Larsson vann tevlinga om å dekorera det svenske nasjonalmuseet i 1891, og måla fresker på dei seks veggane, mellom anna Gustaf Wasas intåg i Stockholm Midsommarafton 1523 og Gustav II Adolf landstiger i Tyskland. Seinare dekorerte han mellom anna òg det nye Operahuset og Kungliga dramaten.

Familien flytta til Sundborn i 1888, til eit hus far til Karin hadde gjeve dei, og som paret innreidde på kunstnerisk vis. Larsson tok til å måla familielivet igjen, og kona, Suzanne, Lisbeth, Kersti og resten av dei åtte barna er å sjå i talrike daglegdagse situasjonar. Desse blei samla i firfargeverket Ett hem i Dalarne (1897) som kom ut i store opplag og påverka både innreiing og handverk i Sverige.

mini|Lisbeth metar, 1898 mini|Blomsterfönstret, 1894

Carl Larsson døydde i Falun.

Kjende måleri 1883 - I köksträdgården 1883 - Gubben och nyplanteringen 1884 - Lilla Suzanne 1886 - Friluftsmålaren 1888-89 - Rokoko-Renässans-Nutida konst 1890-1891 - Svenska kvinnan genom seklen 1905 - Potatisplockning 1908 - Selma Lagerlöf 1891-1908 - Gustaf Wasas intåg i Stockholm Midsommarafton 1523 1910-1915 - Midvinterblot

Bibliografi

1895 - De mina. Gammalt krafs av C.L. 1899 - Ett hem 1902 - Larssons 1906 - Spadarvet. Mitt lilla lantbruk. 1910 - Åt solsidan 1913 - Andras barn 1931 - Jag (självbiografi)

Sjå òg Bergööska huset Carl Larssongården Galleri över Carl Larssons målningar Sundborn

Bakgrunnsstoff

Carl Larsson nettstad Carl Larsson Carl Larsson Gallery

Kategori:Svenske kunstnarar Kategori:Svenske målarar