Tropikkfuglar er ein familie, Phaethontidae, av tropisk pelagiske sjøfuglar. Familien er klassifisert i sin eigen orden Phaethontiformes. Det er berre tre artar av tropikkfuglar, alle samle i ei slekt Phaethon.
Skildring mini|venstre|Småtropikkfugl, Phaethon lepturus Tropikkfuglar har hovudsakleg kvit fjørdrakt med lange halefjører og korte svake bein og føter. Dei tre artane har varierande kombinasjonar av svarte flekkar i andletet, på rygg og venger. Nebba er store, kraftige og litt kurva. Hovudet er stort, medan nakken er stutt, kort og tjukk. Storleiken på desse fuglane varierer frå 76 cm til 102 cm i lengd og 94 cm til 112 cm i vengespenn. Ropet frå tropikkfuglar er vanlegvis ein høg, gjennomtrengande, skingrande lyd, men dei kan òg gje plystrande, eller sprakande lyd. Desse lydane kjem ofte i ein rask serie når dei er på flyging ved kolonien.
Tropikkfuglane fangar ofte byttet ved å observere frå lufta og så styrtdukke, vanlegvis berre rett under overflata av sjøen. Dei et hovudsakleg fisk, særleg flygefisk, og av og til blekksprut.
Vanlegvis hekkar tropikkfuglar i hòler og sprekkar på bakken. Hoa legg eit kvitt, brunflekka egg, og rugetida er 40-46 dagar. Begge foreldra kan ta del i ruginga, men oftast hoa medan hannen fangstar og bringar mat til hoa. Ungane er dundekte når dei klekker. Begge foreldra søker mat og fòrer ungane to gonger kvar tredje dag i ca 12-13 veker til dei er forlèt reiret. Ungane er først flygedyktige etter nokre dagar på havet der dei taper vekt før første flyturen.
Tropikkfuglungar har relativt langsam vekst i forhold til landfugl og dei pleier òg å samle feitt mens dei er små. Dette, saman med kull på berre eitt egg kan vere ein tilpassing til ein pelagisk livsstil kor maten ofte er konsentrert i store mengder, men kan vere vanskeleg å finne.
Artslista Tropikkfuglar i rekkjefølgje etter Clementslista versjon 6.8 frå august 2013 med norske namn etter Norske navn på verdens fugler.
Orden Phaethontiformes, familie Phaetontidae Slekt Phaethon Småtropikkfugl, Phaethon lepturus, White-tailed Tropicbird, LC, Daudin, 1802Spreidd i alle tropiske hav, med unnatak av austlege StillehavetBirdLife International (2014) Species factsheet: Phaethon lepturus. Henta frå http://www.birdlife.org den 13. desember 2014 Raudnebbtropikkfugl, Phaethon aethereus, Red-billed Tropicbird, LC, Linné, 1758Tropiske del av Atlanterhavet, austre Stillehavet og nordvestlege Indiahavet med Omanbukta, Raudehavet og PersiabuktaBirdLife International (2014) Species factsheet: Phaethon aethereus . Henta frå http://www.birdlife.org den 13. desember 2014 Raudhaletropikkfugl, Phaethon rubricauda, Red-tailed Tropicbird, LC, Boddaert, 1783Indiahavet og vestre og sentrale tropiske StillehavetBirdLife International (2014) Species factsheet: Phaethon rubricauda . Henta frå http://www.birdlife.org den 13. desember 2014
Heliadornis is ei førhistorisk slekt av tropikkfuglar som har vore skildra etter studium av fossil.
Kjelder
Denne artikkelen bygger på «Tropikkfuglfamilien» frå , den 14. mars 2020.
Referansar
Bakgrunnsstoff
Tropicbird Identification Om å identifisere tropikkfuglar, av Don Roberson
Kategori:Sjøfuglar Kategori:Fuglar etter klassifisering