mini|right
Łupkówpasset (polsk Przełęcz Łupkowska, slovakisk Lupkovský priesmyk) er ein viktig fjellovergang i Karpatane på grensa mellom Polen og Slovakia, og nær grensa til Ukraina. Det høgaste punktet ligg 640 meter over havet. Overgangen ligg sør for landsbyen Łupków i Polen og aust for Medzilaborce i Slovakia. Under passet går ein 642 meter lang jernbanetunnel, over riksgrensa mellom dei to landa.
Łupkówpasset skil Dei låge Beskidane frå Bieszczadyfjella.
Tunnelen og jernbanelinja stod ferdig i 1874 for å knyte Galicia til resten av Austerrike-Ungarn over Karpatane. Sidan dette var ein viktig transportveg har overgangen vore strategisk svært viktig.
Łupkówpasset var ein av dei strategisk viktigaste fjellovergangane i Karpatane under slaga på Austfronten under den første verdskrigen vinteren 1914/1915. Jernbanetunnelen vart øydelagd og bygd opp att fleire gonger i løpet av dei to verdskrigane. Han vart bygd opp att i 1945, men vart lite nytta etter den tid. Først i 1999 vart vanleg passasjertrafikk igjen oppretta gjennom passet.
Kjelder
Denne artikkelen bygger på «Łupków Pass» frå , den 18. mai 2008.
Kategori:Polsk geografi Kategori:Slovakisk geografi Kategori:Karpatane Kategori:Subkarpatiske voivodskap