Bleikvatnet er ein innsjø som ligg i Hemnes kommune i Nordland. Bleikvasslia er kalla opp etter Bleikvatnet. Rett nord for Bleikvatnet ligg Okstindan, i sør Kongsfjellet. Bleikvatnet er regulert og fungerer som magasin for Øvre Røssåga kraftstasjon. Vatnet frå Bleikvatnet vert tappa over i Røssvatnet gjennom ein tunnel. Rundt vatnet ligg gardsbruka Rabliåsen, Smalsundmoen (nedl.), Lenningsvika (nedl.), Finneset (nedl.) og Oksfjellelva (nedl.). Dei eldste gardane vart tekne opp på 1700-talet, men dei fleste gardane vart fråflytte på 60-talet som følgje av vasskraftutbygginga.
Kategori:Innsjøar i Nordland Kategori:Geografi i Hemnes