Flussyre er ei svak syre med kjemisk formel HF. Det er hydrogenfluorid oppløyst i vatn. Flussyre dannar hydrogenbindingar. Sidan syra reagerer med glas må ho oppbevarast i plastemballasje.
Syra er etsande sjølv i små konsentrasjonar. Dessutan kan fluoridionet trenga inn i hud og binda seg til kalsium. Får ein flussyre på huda kan det gjera skade etter fleire timar.
mini|venstre|Modell av hydrogenfluorid. Hydrogen er vist med kvitt og fluor med grønt
Produksjon Mineralet fluorspar (kalsiumfluorid CaF2) og svovelsyre vert brukt til å produsera flussyre etter likninga:
CaF2 + H2SO4 -> 2HF + CaSO4
Bruk Flussyre løyser oksid godt. Derfor kan syra brukast til å reinsa metall som uran og aluminium. Ho vert òg brukt til å etsa glas og som råstoff i produksjon av sambindingar som inneheld fluorid.
Kjelder
Kategori:Monofluorid Kategori:Hydrogenhalogenid Kategori:Polare protiske løysemiddel Kategori:Mineralsyrer