Malone er ei 40 km lang elv i Piemonte i Italia og ei av sideelvane til Po frå venstre som renn gjennom Canavese.
Elva har utspring i Monte Soglio og frå her renn ho gjennom kommunane Corio, Rocca Canavese, Barbania og Front i Torino medan ho gradvis veks frå sideelvar frå naturreservatet Riserva Naturale della Vauda frå høgre. Malone renn så gjennom Rivarossa, Lombardore, San Benigno Canavese og så til Brandizzo (nær Chivasso) der ho munnar ut i Po.
Malone kan stundom få svært høg vassføring og den gjennomsnittlege vassføringa på 8,8 m³/s kan stundom auke hundre gongar så mykje, som under ein alvorleg flaum i oktober 2000.
Kjelder
Denne artikkelen bygger på «Malone (river)» frå , den 22. november 2007.
Kategori:Po Kategori:Elvar i Italia Kategori:Piemonte