mini|Málmey Málmey ('Malmøy' på norsk) er ei øy i Skagafjörður nord på Island. Málmey ligg om lag 10 km nord for bygda Hofsós i kommunen Skagafjörður.
Øya er omgjeven av klipper på alle sider. Ho er ei 4 km lang og smal lavaøy som ligg i det 5 km breie Málmeyarsund. Det høgaste punktet på øya ligg i nord og er 156 moh.
Søraust på øya ligg eit fyr som blei bygd i 1937. Fram til 1950 var øya folkesett, men då ein brann øydela garden som huste 14 folk blei ho forlaten. I staden held mange fuglar til på Málmey.
Øya er omtalt i Sturlunga saga som staden der biskop Guðmundur Arason flykta i 1221 for å koma unna Tumi Sighvatsson og folka hans, som truga med å drepa han. Guðmundur forlét øya på påskedag, etter at hans folk hadde drepe Tumi Sighvatsson.
Kjelder Denne artikkelen bygger på «Málmey» frå , den 1. november 2016.
Bakgrunnsstoff Flybilete på ismennt.is
Kategori:Islandske øyar