Naglelo eller nagle-lø(e) er ein reiskap som vert brukt til å justere ein trenagle til rett tjukkleik.
I enklaste form er ei naglelo eit hardt trestykke, oftast turr bjørk, med eit bora hol i. Naglen vert tilsmia eller dreia til han passar i holet, som har same diameter som holet naglen skal brukast i. I nagleloa er det ringa ut for naglehovudet, slik at det og vert tilpassa i høveleg storleik.
Båtbyggarar kan ha ei naglelo som kan brukast til å dreie naglen til rett dimensjon. Ho har knivar som høvlar av naglen når loa vert dreia rundt, om lag som ein blyantkvessar. Denne reiskapen vert og kalla naglesnitte.
Kjelder Jakob D. Bjørkedal: Båtbygging i Bjørkedalen. Ord og uttrykk. Volda 1987
Kategori:Treting Kategori:Båtbygging Kategori:Trearbeidsverktøy Kategori:Klinkbygging