__NOTOC__
Papa Stour er ei i Shetlandsøyane i Skottland. Ho ligg sør i St. Magnus Bay, på nordvestsida av Shetland Mainland. I dag bur det om lag 20 personar på øya med hovudvekta i landsbyen Biggins i aust. Frå Biggins går det passasjerbåt til West Burrafirth på Shetland Mainland. Det er òg ei flystripe nær Biggins. Øya har ei dramatisk kystlandskap med staurar, bogar, bruer og sjøholer som har kome til ved erosjon.
På øya finn ein ruinar etter eit hus som skal ha høyrt til Hertug Håkon, seinare Kong Håkon V av Noreg, på 1200-talet.
Historie Det har truleg budd folk på øya heilt attende til 3000 f. Kr. Øya er rik på arkeologiske minne. Namnet kjem av norrønt Papey Stóra, som skal tyde 'Store Prestøy'. Papar vert då tolka som nemning på gæliske munkar. Papar er med i mange øynamn i Skottland.
Det eldste dokumentet frå Shetland omhandlar ei hending på Papa Stour og er frå 1299.
På 1970-talet vart det sett i gang ein aksjon for å få fleire innbyggjarar til øya etter at fråflyttinga hadde gjort folketalet lågt. Det førte til at det kom folk flyttande og folketalet fekk ein oppsving. Dei siste åra har folketalet gått ned etter usemje mellom nokre av innbyggjarane. Det førte til rettssaker, fråflytting og at skulen vart nedlagd. The Guardian om nabofeiden
Bakgrunnsstoff
Barbara E. Crawford: Papa Stour and 1299: Commemorating the 700th Anniversary of Shetland's First Document , ISBN 1-898852-83-9
Nettstader «Papa Stour» frå Gazetteer for Scotland scottishislands.org.uk Shetland in Statistics 2006 frå shetland.gov.uk
Fotnotar
Andre nettstader Omtale av boka om dokumentet frå 1299.
Denne artikkelen byggjer på «Papa Stour» henta frå Wikipedia på engelsk 29. mai 2007.
Kategori:Stadnamn av norrønt opphav i Skottland Kategori:Øyar i Shetlandsøyane Kategori:Site of Special Scientific Interest i Skottland Kategori:Blåsehòl