Brurskanken (1447 moh.) er eit karakteristisk fjell i Vefsn kommune i Nordland. Fjellet har det sørsamiske namnet Brovrese.
Brurskanken ligg i austerdelen av kommunen, og frå toppen har ein utsikt austover mot Sverige og vestover mot Helgelandskysten. Fjellprofilen er synleg frå Mosjøen. Brurskanken er det nest høgste fjellet i kommunen.
Under fjellet ligg viktige beiteområde og kalvingsområde for rein.
Fjellet har gitt namn til «Brurskanken Turlag» som er ein lokalforening av Den Norske Turistforening. Tilbake i tid har fjellet òg gitt namn til «Brurskanken samiske kvindeforening» som var med og arrangerte det første samiske landsmøtet i 1917, og Brurskanken reinbeitedistrikt, som det i 1999 vart vedteke å slå saman med Brønnøy/Kvitfjell reinbeitedistrikt til Jillen-Njaarke reinbeitedistrikt.
Kjelder Statens kartverk, kartblad 1926 IV Om reinbeitedistrikt, i sakspapir for Nordland områdestyre 28.09.06
Kategori:Fjell i Nordland Kategori:Geografi i Vefsn