Tartit (tamasheq: «foreining») er ei tuareggruppe frå Timbuktu-regionen i Mali. Gruppa består av fem kvinner og fire menn som møttest i ein flyktningleir i Burkina Faso, der musikken var ein måte å overleve på konfrontert med dei økonomiske, sosiale og politiske problema i regionen.
Dei fleste av songane til Tartit har ein enkel oppbygnad. Dei kvinnelege medlemmane speler dei tradisjonelle instrumenta imzad-lutt og tinde-tromme, mens mennene speler tehardent-lutt og elektrisk gitar. I tillegg bidrar dei fleste med song og klapping. Resultatet er ein slags ørkenblues.
Tekstane deira gir uttrykk for håp, fred og livskraft.
Medlemmar (2006) Fadimata Walett Oumar (song, tinde) Walett Oumar Zeinabou (song, tinde) Mama Walett Amoumine (song, tinde) Fadimata W. Mohamedun (Fatma) (song, tinde) Tafa Al Hosseini (song, imzad) Mohamed Issa ag Oumar (elektrisk gitar, song) Ag Mohamed Idwal (firestrengs tehardent) Amanou (trestrengs tehardent, song) Mossa Ag Mohamed (song)
Diskografi 1997: Amazagh 2000: Ichichila 2006: Abacabok
Bakgrunnsstoff Tartits nettside på Divanprod Artikkel om Tartit på Chronogram
Kategori:Maliske musikkgrupper Kategori:Musikkgrupper skipa i 1992 Kategori:Tuaregar