Wuhan er ein kinesisk storby som er hovudstad i provinsen Hubei i det sentrale Kina. Folketalet innanfor bygrensene var i 2007 omtrent 6 600 000, men heile storbyområdet har 9,7 millionar innbyggarar.
Namn mini|venstre|portrett|Namnet på byen i forenkla kinesisk skrift øvst og tradisjonell skrift nedst.
Namnet «Wuhan» er ei samantrekking av namna til dei to store byane på nord- og sørbreidda av Yangtze som utgjer storbyen. «Wu» viser til Wuchang () på sørbreidda av elva, medan «Han» viser til Hankou () på nordbreidda.
Nordfelttoget i Kina kom til området i 1926, og vedtok å slå saman Hankou, Wuchang og distriktet Hanyang til ein by som kunne vera hovudstad for nasjonalist-styrte Kina. 1. januar 1927 blei den nye byen utropt. Namnet blei først skrive med tradisjonell kinesisk skrift, og seinare forenkla til .
Geografi
Storbyområdet ligg der Han-elva blir del av Yangtze-elva, aust på Jianghan-sletta.
Historie mini|venstre|Gatebilete ca. 1940 frå gamle Hankou i Wuhan.
Antikken Wuhan-området har vore folkesett i minst 3 500 år. Panlongcheng i Huangpi-distriktet er ein arkeologisk funnstad som særleg er knytt til Erligang-kulturen (ca. 1510–ca. 1460 fvt.), med ein tynnare folkesetnad under den tidlegare Erlitou-kulturen. Moderne tid Wuchang-opprøret, som enda med at Qing-dynastiet fall, vart starta i Wuhan av følgjarane til Sun Yat-sen den 10. oktober 1911.Fenby, Jonathan. (2008). The History of Modern China: The Fall and Rise of a Great Power. . s 107, 116, 119.Welland, Sasah Su-ling. (2007). A Thousand Miles of Dreams: The Journeys of Two Chinese Sisters. Rowman Littlefield Publishing. , . pg 87.Wang, Ke-wen. (1998). Modern China: An Encyclopedia of History, Culture and Nationalism. Taylor & Francis Publishing. , . pp 390-391.
Opprøret vart til ein revolusjon, og etterkvart som revolusjonen spreidde seg til andre delar av landet konsentrerte Qing-styret lojale væpna styrkar mot opprøret i Wuhan.
Slaget om Yangxia fann stad frå 17. oktober til 1. desember, der revolusjonshæren og lokale frivillige forsvara byen mot dei overtalige Qing-styrkane leia av Yuan Shikai. Huang Xing kom til Wuhan tidleg i november for å leie revolusjonshæren.Bergere, Marie-Claire. Lloyd Janet. (2000). Sun Yat-sen. Stanford University Press. , . p 207.
I desember 2019 vart eit nytt koronavirus først identifisert i Wuhan, SARS-CoV-2 som forårsaka koronavirus-pandemien i 2019–2020.
Økonomi
Konsern som har hovudkvarter i byen er mellom anna WISCO (Wǔhàn gāngtiě (jítuán) gōngsī, 'Wuhan jarn- og stål-korporasjon'), og bilfabrikanten Dongfeng Peugeot-Citroën.
Styresmakter Wuhan har status som subprovinsiell by. Byen blir styrt av lokalavdelinga av Det kinesiske kommunistpartiet. Det lokale partiet gjev administrative ordrar, samlar inn skatt, styrer økonomien og gjev styring til ein lokal folkekongresskomité som tek politiske avgjerder.
Sjå også Utbrotet av Corona-virus i Wuhan i 2019 og 2020
Kjelder
Delar av denne artikkelen bygger på «Wuhan» frå , den 13. juni 2020.
Bakgrunnsstoff
Wuhan i Store norske leksikon
Kategori:Byar i Hubei Kategori:Subprovinsielle byar i Kina