The Unthanks (før 2009 kalla Rachel Unthank and the Winterset) er ei engelsk folkemusikkgruppe som er kjend for den eklektiske tilnærminga si til å kombinera tradisjonell engelsk folkemusikk, særleg frå Northumberland, med andre musikalske sjangrar. "They may call themselves folk musicians, but it is the strains of jazz, foreign scales and other unlikely influences that set The Unthanks apart from the rest of the Neo-folk movement.""The Unthanks seem to regard folk music the same way Miles Davis regarded jazz: as a launchpad for exploring the wider possibilities." Debutalbumet til gruppa, Cruel Sister, blei kåra til Folk Album of the Year av Mojo i 2005. Av dei 11 albuma som følgde, fekk ti av dei meldingar med fire eller fem stjerner i den britiske nasjonale pressa. Albumet Mount the Air, som kom ut i 2015, vann kategorien for beste album ved BBC Radio 2 Folk Awards i 2016. Dobbelalbumet In Winter frå 2024 fekk ei fire-stjerners melding i Financial Times og ei fem-stjerners melding i The Times.
Karriere
Rachel Unthank and the Winterset
Cruel Sister Kvinnegruppa Rachel Unthank and the Winterset debuterte ved Holmfirst Folk Festival den 7. mai 2004 og lanserte debutalbumet Cruel Sister på den same festivalen året etter, den 11. mai 2005. Cruel Sister fekk støtte frå ei rekkje DJ-ar på BBC Radio 2 og blei etterpå tildelt Folk Album of the Year av magasinet Mojo.
The Bairns
Oppfølgjaralbumet The Bairns ('Borna') kom ut 20. august 2007. Det blei nominert til Best Album-prisen på BBC Radio 2 Folk Awards 2008, og var nominert til Mercury Prize 2008. Albumet debuterte i UK Top 200 Albums Chart på nummer 178 veka etter Mercury Prize-utdelinga.
Gruppa blei nominert til tre andre BBC Radio 2 Folk Awards i 2008 (Best Band, Best Live Act og Horizon Award), og fekk suksess i ein av kategoriane med utdelinga av Horizon Award ved seremonien i The Brewery i London.
The Unthanks
Here's the Tender Coming I 2009 blei gruppa omdøypt til Unthanks, og manageren Adrian McNally og barndomsvennen hans Chris Price kom med. Det tredje albumet Here's the Tender Coming, det fyrste under namnet Unthanks, kom ut 14. september 2009. Det blei utnemnd til Folk Album of the Year av The Guardian og av Mojo. Sid Smith, frå BBC Music, omtalte det som «astonishing», «beautiful», «haunting» og «beguiling». I ei fire-stjerners melding i The Guardian skreiv Colin Irwin: «Their arrangement of the title track − a traditional song about the emotional devastation wrought by press gangs − brilliantly encapsulates the story's fraught desperation. Their version of Nobody Knew She Was There, one of Ewan MacColl's lesser-known songs about his mother, painstakingly paints a similarly dramatic backdrop with more atmospheric brass, and they put their own stamp on the Nic Jones classic, Annachie Gordon.»
Last Fjerdealbumet Last kom ut 14. mars 2011, og nådde 40. plassen på albumlista i Storbritannia.
Anthony Thornton skreiv i NME at albumet «proves the mix of Rachel and Becky's voices to be one of the true wonders of 21st-century music.» I tillegg til tradisjonsmateriale inkluderte albumet ein song skriven av bandmedlemmet McNally («Last»), og versjonar av songar av Jon Redfern («Give Away Your Heart»), Tom Waits og Kathleen Brennan («No One Knows I'm Gone»), King Crimson («Starless») og Alex Glasgow («Close the Coalhouse Door»).
The Songs of Robert Wyatt and Antony & The Johnsons I ein skilnad frå den vanlege praksisen sin med å spela materiale frå studioalbuma sine, heldt Unthanks to konsertar ved Union Chapel i London den 8. og 9. desember 2010 som konsentrerte seg utelukkande om materiale skrive av Robert Wyatt og Anohni frå Anohni and the Johnsons. The Songs of Robert Wyatt and Antony & The Johnsons, eit livealbum basert på opptak frå desse konsertane, blei gjeve ut den 28. november 2011 i samband med ein britisk turné. The Observer kalla albumet «a triumphant excursion» og gav det fire stjerner.
The Unthanks with Brighouse and Rastrick Brass Band I juli 2011 byrja dei ein britisk turne med konserter i Durham domkyrkje og Barbican Hall i London, i lag med Brighouse and Rastrick Brass Band, som framførte nye messingblåsararrangement av songar frå alle fire Unthanks-albuma, i tillegg til nytt materiale. Eit live-album basert på desse konsertane blei gjeve ut i juli 2012. I ei melding i The Guardian skildra Robin Denselow albumet som Unthanks sitt djervaste eksperiment til då, og gav det fire stjerner. Martin Townsend i Daily Express gav albumet fem stjerner og skreiv at det av dei beste og mest mogne albuma til gruppa så langt. Albumet var det andre i Unthanks sin Diversions-serie, etter The Songs of Robert Wyatt og Antony & The Johnsons.
Songs from the Shipyards Songs from the Shipyards var det tredje albumet i Diversions-serien, og kom ut i november 2012. Dette er eit studioalbum med songar frå eit soundtrack, sett saman av Unthanks, som blei framført live i februar 2011 på Tyneside Cinema i Newcastle upon Tyne for å følgja visinga av ein dokumentarfilm av Richard Fenwick om historia til skipsbygging på Tyne, Wear og Tees. Albumet inkluderer «Shipbuilding» av Elvis Costello og songar av Graeme Miles, Alex Glasgow, Archie Fisher, John Tams, Peter Bellamy og Jez Lowe, i tillegg til ein sentral song, «The Romantic Tees», skriven av McNally. I ei melding der han gav fire stjerner skildra Neil Spencer det som «a stark creation, using little more than piano, violin and voices,» men at minimalismen «lends poignancy to songs and poetry narrating the glory and grime of a vanished era.»
Mount the Air Albumet Mount the Air, som kom ut i februar 2015, fekk fem stjerner i The Daily Telegraph og The Irish Times.
Mount the Air vann best album-kategorien ved 2016 BBC Radio 2 Folk Awards.
Memory Box and Archive Treasures 2005–2015 I desember 2015 gav Unthanks ut Memory Box, ein pakke som inneheldt ein ny CD, ein julesingel (den fyrste singelen deira som blei gjeven ut i sjutommars-formatet) og andre objekt for å feira det tiande jubileet til gruppa. CD-en, Archive Treasures 2005-2015, kom òg ut som si eiga utgjeving, og inkluderte eksklusive konsertinnspelingar, demoar, outtake og BBC-session-sport.
The Songs and Poems of Molly Drake I mai 2017 gav gruppa ut to album, The Songs and Poems of Molly Drake og The Songs and poems of Molly Drake: Extras, med songar skrivne av Molly Drake, mora til Nick Drake. The Songs and Poems of Molly Drake fekk fem stjerner i ei melding i The Independent.
Lines Lines, ein albumtrilogi om fisketragediane i Hull i 1968, der tre trålarar forliste på kort tid, poesi frå den fyrste verdskrigen og dikta til Emily Brontë, blei førutgjeven på nettstaden til gruppa i november 2018 og offisielt den 22. februar 2019. Han fekk fire stjerner i The Guardian.
Live and Unaccompanied Live and Unaccompanied kom ut i mars 2020 og inneheld 13 songar framførte av Rachel og Becky Unthank og Niopha Keegan utan akkompagnement frå andre medlemmar av The Unthanks. Albumet blei spelt inn live på ulike lokaler i Storbritannia og Irland i april og mai 2019. Det kom òg med ei «spesiell filmutgåve» som inkluderte ein film, As We Go av musikaren og animatoren Ainslie Henderson (partnaren til Becky Unthank ), om turnelivet til The Unthanks. Albumet var det femte i Diversions-serien.
Sorrows Away Albumet Sorrows Away kom ut 14. oktober 2022. Det fekk fire stjerner i The Observer og The Scotsman, og fem stjerner i Financial Times.
In Winter Dobbelalbumet In Winter, som kom ut 29. november 2024, blei gjeve fire stjerne i Financial Times og fem stjerner i The Times.
Privatliv Rachel og Becky Unthank er systrer med sju og ein halv år imellom seg, og voks opp i Ryton i Tyne og Wear. Rachel gjekk ut frå University of Glasgow med ein grad i historie og teaterstudiar, medan Becky studerte kunst- og designhistorie ved Manchester Metropolitan University. Faren deira, George Unthank, er interiørdesignar og ein kjend lokal folksanger i Northumberland i gruppa The Keelers, med namn etter skipsfolka (keelmen) som segla på Tyne."George Unthank" The Keelers. Retrieved 9 September 2018. Mor deira syng i folkemusikkor.
Rachel var gift med, og seinare skild frå, gruppemedlemmet Adrian McNally. McNally voks opp i ein gruvelandsby nær Barnsley i Yorkshire, og er òg manager, musikalsk arrangør og produsent. Dei har to søner: George, fødd i 2011; og Arthur, fødd i 2014.
Medlemmer
Noverande Rachel Unthank (røyst, cello, kalimba, føter)Clog dancing (treskodans) og lyden av han er ein viktig del av framføringa til The Unthanks og i innspleinga av nokre av songane deira. Dei fører opp «føter», i lag med røyst og instrument, i informasjonen for albumspora sine. Becky Unthank (røyst, autoharpe, føter) Niopha Keegan (fiolin, bratsj, røyst) Adrian McNally (piano, dulcitone, autoharpe, marimba, celesta, kalimba, Fender Rhodes-piano, chord organ, glockenspiel, indisk harmonium, perkusjon, røyst) Chris Price (gitar, bassgitar, kontrabass, ukulele, røyst)
Tidlegare Belinda O'Hooley (piano, røyst) Jackie Oates (fiolin, røyst) Stef Conner (piano, røyst)
Merknadar
Kjelder
Denne artikkelen bygger på «The Unthanks» frå , den 15. oktober 2026.
Bakgrunnsstoff
Kategori:Musikkgrupper skipa i 2004 Kategori:Engelske folkemusikkgrupper Kategori:Britiske folkemusikkgrupper