One of My Turns er ein song av det britiske bandet Pink Floyd laga av Roger Waters. Songen vart gjeve ut på albumet deira The Wall i 1979 og som b-side på singelen «Another Brick in the Wall (Part 2)».
Komposisjon Songen er delt inn i tre ulike delar. Ein oppdelt dialog, eit roleg parti med vokal, og eit meir bråkete parti med vokal.
Tekst Som med dei andre songane på The Wall fortel «One of My Turns» ein del av historia om hovudpersonen Pink. Pink inviterer ein kvinneleg tilhengjar til rommet sitt etter han har fått vite om kona sitt andre forhold. Først prøver kvinna å få kontakt med han, men han er for opptatt med å tenkje på kona til å høyre kva kvinna seier. Då kvinna held fram med å prøve og få kontakt med han, eksploderer Pink, vert valdeleg og raserer rommet.
Filmversjon Pink slepp inn ein kvinneleg tilhengjar på hotellrommet sitt. Etter at ho prøver å forføre Pink, vert han svært sint og raserer hotellrommet, og kuttar seg i handa då han kastar eit TV-apparat ut vindauget.
Medverkande Roger Waters – vokal, bassgitar David Gilmour – sologitar Richard Wright – orgel, Prophet-5 synthesizer Nick Mason – trommer, perkusjon
med:
Bob Ezrin – piano Lee Ritenour – rytmegitar og rytmegitar med wah-wah-pedal Trudy Young – stemma til groupie-jenta
Personell per Fitch og Mahon.Fitch, Vernon and Mahon, Richard, Comfortably Numb — A History of The Wall 1978–1981, 2006, p.86
Kjelder Fitch, Vernon. The Pink Floyd Encyclopedia (3. utg.), 2005. ISBN 1-894959-24-8
Kategori:Pink Floyd-songar Kategori:Songar frå 1979 Kategori:Rockeballadar Kategori:Songar skrivne av Roger Waters Kategori:Songar produserte av Bob Ezrin Kategori:Songar produserte av David Gilmour Kategori:Songar produserte av Roger Waters