Andrew Murray Burnham () er ein britisk politikar som sidan juli 2026 har vore statsminister i Storbritannia.
Den 17. juli 2026 vart Burnham vald som leiar av Labour Party. Han vart vald som parlamentsmedlem for Labour frå valkrinsen Makerfield i juni same året. Burnham var borgarmeister i den britiske byen Stor-Manchester frå mai 2017 til juni 2026.
Han vert rekna som ein del av den «mjuke venstresida» som gjerne nøyter statlege midlar. Hans politiske base er i Nord-England som au er vesentleg for at Labour skal vinna nasjonale val.
Bakgrunn Burnham vart fødd den 7. januar 1970 i Aintree. Faren hans var telefonteknikar, medan mora var resepsjonist hjå ein lækjar. Burnham vaks opp i Leigh. Han studerte Engelsk ved Universitetet i Cambridge.
Politisk karriere Burnham vart med i partiet Labour då han var 14 år gamal.
I regjeringa til Gordon Brown hadde han fleire verv. Frå juni 2007 til januar 2008 var han visefinansminister (Chief Secretary to the Treasury). Frå januar 2008 til juni 2009 var han minister for kultur, media og sport. Dinest, frå juni 2009 til mai 2010 var han helseminister. Han var skuggeminister for helse i skuggeregjeringa til Ed Miliband.
Tidlegare har Burnham vore parlamentsmedlem for Labour. Han representerte valkrinsen Leigh i Stor-Manchester i Underhuset i Det britiske parlamentet frå 7. juni 2001 til mai 2017.
I 2010 stilte Burnham mot Ed Miliband ved leiarvalet i Labour, og seinare mot Jeremy Corbyn i 2015.
I juni 2026 vann Burnham mellomvalet i Makerfield med 54,8 % av røystene. Burnham vart peikt på som ein kandidat til å taka over leiarvervet i partiet Labour. For å utfordra dåverande statsminister, Keir Starmer, om leiarvervet måtte han sitja i parlamentet. Johs Simons gjekk såleis ut av parlamentet for å gjeva Burnham eit høve til å verta vald inn i parlamentet. Den 22. juni 2026 kunngjorde Keir Starmer at han ville gå av. Andy Burnham var den einaste erklærte kandidaten til å etterfylgja Starmer. Den 20. juli 2026 vart Burnham utnemnd til statsminister.
Kjelder
Denne artikkelen bygger på «Andy Burnham» frå , den 20. august 2026.
Bakgrunnsstoff
Kategori:Britiske parlamentsmedlemmer Kategori:Britiske ministrar