Junior Eurovision Song Contest 2026 var den 24. utgåva av Junior Eurovision Song Contest, og blei arrangert 24. oktober 2026 på Malta Fairs & Conventions Centre i Ta' Qali på Malta. Konkurransen var organisert av Den europeiske kringkastingsunionen (EBU) og vertskringkastaren Public Broadcasting Services (PBS). Dette var den tredje gongen Malta arrangerte konkurransen, etter at landet tidlegare var vertskap i 2014 og 2016. Konkurransen var òg den første som blei arrangert i oktober.
Seksten land deltok i konkurransen. Aserbajdsjan og Kroatia valde å ikkje delta i konkurransen, etter at dei deltok året før.
Vinnaren av Junior Eurovision Song Contest 2026 blei Armenia med songen «Boo!», framført av Naré. Dette var den tredje sigeren til Armenia i Junior Eurovision Song Contest, etter å ha vunne tevlinga i 2010 og 2021. Spania, Frankrike, San Marino og Georgia utgjorde resten av topp fem.
Stad Konkurransen i 2026 blei halden i på Malta. Dette var den tredje gongen Malta var vertskap for konkurransen, etter at landet tidlegare arrangerte konkurransen i 2014 og 2016, og første gongen konkurransen blei halden i oktober, av «logistiske årsaker». Den valde arenaen var Malta Fairs & Conventions Centre, som hadde plass til 10 268 personar. Arenaen blei omgjord til ein «Eurovision Festa Village», inspirert av den maltesiske tradisjonen med lokale festar til ære for skytshelgenar.
Søknadsrunde og val av vertsby I motsetnad til Eurovision Song Contest får ikkje kringkastaren som vann Junior Eurovision Song Contest året før automatisk retten til å arrangere neste utgåve. Sidan 2011, med unntak av 2012, 2015, 2018 og 2024, har det likevel blitt vanleg at vinnarlandet tek på seg vertskapsrolla. Sidan 2019 har den vinnande kringkastaren hatt førsteretten til å arrangere den påfølgjande konkurransen.
Den 18. desember 2025 kunngjorde den franske kringkastaren France Télévisions, som vann konkurransen i 2025, at dei hadde valt å ikkje arrangere konkurransen i 2026. Dei viste til ein plan om å redusere kostnadene til nasjonale program. Dette var andre gongen på tre år at France Télévisions takka nei til å arrangere konkurransen, etter at dei òg gjorde det i 2024.
Det skal ha blitt gjennomført ein søknadsrunde for første gong sidan 2018 for å finne vertslandet. I desember 2025 kunngjorde den sanmarinske kringkastaren SMRTV at dei ville sende inn ein søknad om å arrangere konkurransen. Den 7. mars 2026 opplyste direktøren Roberto Sergio likevel at søknaden ikkje var vald, og at konkurransen skulle haldast i Nord-Makedonia. Nordmakedonske medium melde seinare at Skopje skulle vere vertsby.
Den 15. mai 2026 kunngjorde EBU at Malta i staden var vald som vertsland for konkurransen i 2026, med Malta Fairs & Conventions Centre i Ta' Qali som den utvalde arenaen.
Deltakande land For å kunne delta i Junior Eurovision Song Contest må eit land ha ein nasjonal kringkastar som er aktivt medlem av EBU, som kan ta imot konkurransen gjennom Eurovision-nettverket og kringkaste konkurransen direkte over heile landet. EBU inviterer alle aktive medlemmar til å delta i konkurransen.
Den 24. juli 2026 kunngjorde EBU at kringkastarar frå 16 land skulle delta i konkurransen i 2026. Aserbajdsjan og Kroatia valde å ikkje delta etter at dei returnerte til konkurransen året før.
Startnr. Land Artist Sang Språk Plass Poeng01«»Nederlandsk og engelsk812602«»Gresk og engelsk109803«»Portugisisk136404«»Montenegrinsk126805«»Italiensk og engelsk414806«»Fransk316507«»Polsk og engelsk614408«»Armensk og engelsk120209«»Engelsk713610«»Italiensk118711«»Ukrainsk og engelsk910612«»Makedonsk165713 og «»Irsk146414«»Albansk156215«»Georgisk514516«»Spansk2184
Sjå òg Eurovision Song Contest 2026 Eurovision Song Contest Asia 2026
Referansar
Bakgrunnsstoff Nettstaden til Junior Eurovision Song Contest
2026 Kategori:Musikktevlingar i 2026 Kategori:2026 på Malta