Priscah Jeptoo () er ein kenyansk tidlegare langdistanseløpar som tevla i maratonløping. Ho vann sølvmedaljen på distansen i friidretts-VM 2011 og sommar-OL 2012.
Aktiv Etter ho hadde sigra i maratonløp i Porto, Torino og Paris, representerte Jeptoo Kenya ved verdsmeisterskapen i Daegu hausten 2011. I den sørkoreanske byen tok ho sølvmedaljen på tida 2.29,00, sytten sekund bak landskvinna Edna Kiplagat. Sharon Cherop fullenda den kenyanske suksessen ved å ta bronsen, fjorten sekund bak Jeptoo.
Under dei olympiske leikane i London sommaren 2012 vann Jeptoo ein ny sølvmedalje. Med 2.23,07 i sluttid, vart ho slått av etiopiske Tiki Gelana med fem sekund.
I 2013 vann Jepttoo både London Marathon og New York City Marathon. Ho fekk også fyrstepremien på 500 000 US-dollar i Marathon Majors.
Kjelder
World Athletics Denne artikkelen bygger på «Priscah Jeptoo» frå , den 2. august 2026.
Kategori:Kenyanske langdistanseløparar Kategori:Olympiske sølvmedaljevinnarar for Kenya Kategori:Medaljevinnarar under sommar-OL 2012 Kategori:Kenyanske deltakarar under sommar-OL 2012 Kategori:Friidrettsutøvarar under sommar-OL 2012