Signy Fardal () er ein norsk journalist og redaktør. Ho var sjefredaktør i den norske utgåva av kvinnebladet Elle 1998-2018.
Biografi Fardal har grunnfag i sosiologi og massekommunikasjon ved Universitetet i Oslo (UiO). I studietida var ho journalist i Universitas (1981–1982).
Signy Fardal byrja yrkeskarrieren som redaktør i ungdomsmagasinet Ungsosialisten (1981–1983). Deretter arbeidde ho som nyheitsredaktør for RadiOrakel (1982–1984), Klassekampen (1982–1983), Dagbladet (1983–1986) og Dagens Næringsliv 1986-1998, dei siste fem åra som redaksjonssjef. Deretter var ho informasjonsrådgjevar i Geelmuyden Kiese 1997–1998 før ho blei sjefredaktør i den norske utgåva av motebladet Elle. Ho slutta etter eige ønske i 2018. Ho var deretter rådgivar og partnar i FrontRow Consulting (2019–2020). I 2021 blei ho kommunikasjonssjef i Bellona.Signy Fardal ny kommunikasjonssjef i Bellona. abcnyheter. Besøkt 12. jan. 2021.
Ifølge Journalisten var Fardal den best betalte kvinnelege redaktøren i Noreg i 2017.
Ho har vore medforfattar av fleire bøker. I 2008 var ho medforfattar av fem bøker saman med Petra Middelthon, Åsa Tällgård og Vendela Kirsebom: Fashion Bible, Basisgarderoben, Motens ABC, Tilbehørets makt og Partyfikearen. I 2020 var ho medforfatter av Helt sjef! (saman med Line Uppard). Boka handlar om kvinner og leiing og blei gjeven ut på Pitch Forlag.
TV-opptredenar I 2006 deltok ho i fyrste sesong av talentprogrammet Skal vi dansa? og i 2021 deltok ho í realityserien Farmen kjendis.
Prisar og utmerkingar I 2010 blei Fardal tildelt Nynorsk redaktørpris med grunngjevinga om at ho «bidreg til å gjera nynorsk til eit mediespråk også på mote og interiørområdet».
Kjelder
Denne artikkelen bygger på «Signy Fardal» frå , den 26. juni 2026.
Kategori:Folk frå Sogndal Kategori:Skal vi danse-deltakarar Kategori:Norske journalistar Kategori:Norske redaktørar