Bathsua Reginald Makin () var ein engelsk forfattar og tidleg feminist.
Ho var kjend i samtida for lærdommen sin, fordi kvinner sjeldan fekk høve til å vise fram kunnskap og utdanning i offentlegheit i denne tida, og blei kalla «den mest lærde dama i England.» I 1616 gav Makin ut boka Musa Virginea med vers på latin, gresk, hebrisk, spansk, fransk og tysk. Tittelsida kunngjorde at forfattaren var «Bathsua R{eginald}, daughter of Henry Reginald, a schoolmaster and philologist of London.»
Ho var privatlærar for borna til Karl I av England, og guvernante for dottera hans Elizabeth Stuart. Då det engelske parlamentet tok Elizabeth Stuart i varetekt ved byrjinga av den engelske borgarkrigen blei Makin verande med henner som tenar. Då prinsessa døydde i 1650 blie Makin tildelt ein pensjon for tenestene sine, men fekk aldri høve til å ta imot han.
Makin var ein forkjempar for at kvinner burde få rett til utdanning på ei tid då det ofte blei rekna som umogleg å utdanna dei. Ho er best kjent for An Essay To Revive the Antient Education of Gentlewomen, in Religion, Manners, Arts & Tongues, With An Answer to the Objections against this Way of Education (1673).
Kjelder
Denne artikkelen bygger på «Bathsua Makin» frå , den 27. mai 2026.
Bakgrunnsstoff An Essay To Revive the Ancient Education of Gentlewomen, in Religion, Manners, Arts & Tongues, with an Answer to the Objections against this Way of Education ved upenn.edu
Kategori:Britiske kvinnesaksfolk Kategori:Engelskmenn frå 1600-talet