Rose Christiane Ossouka Raponda () er ein gabonsk politikar som var visepresident i Gabon frå januar til august 2023, noko som gjorde henne til den første kvinnelege visepresidenten i landet. Ho var tidlegare statsminister i Gabon frå juli 2020 til januar 2023, og var òg den første kvinna som hadde dette vervet.. Ho har òg vore ordførar i Libreville og seinare forsvarsminister frå februar 2019 til juli 2020.
Bakgrunn Raponda vart fødd 30. juni 1963 i Franceville. Ho er medlem av mpongwe-folket. Raponda tok utdanning i økonomi og offentleg finans ved det gabonesiske instituttet for økonomi og finans.
Karriere Raponda arbeidde som generaldirektør for økonomi og som visegeneraldirektør i Bustadbanken i Gabon. Ho var budsjett- og finansminister frå februar 2012 til januar 2014. Den 26. januar 2014 vart Raponda vald til ordførar i hovudstaden Libreville, som representant for det styrande partiet Parti Démocratique Gabonais. Ho var den første kvinna som hadde dette vervet sidan 1956 og sat fram til 2019. Ho vart òg president for United Cities and Local Governments Africa.
Den 12. februar 2019 vart Raponda utnemnd til forsvarsminister i Gabon av president Ali Bongo Ondimba, etter det mislukka kuppforsøket i januar 2019. Ho tok over etter , eit medlem av Bongo-familien, som hadde hatt stillinga sidan 2016. Den 16. juli 2020 vart Raponda utnemnd til statsminister i Gabon etter at forgjengaren hennar, Julien Nkoghe Bekale, gjekk av. Ho var den første kvinna i denne stillinga. Utnemninga var den fjerde regjeringsomlegginga under Ondimba sidan kuppforsøket og fann stad midt i både ei helsekrise og ei økonomisk krise, som følgje av covid-19-pandemien og fallet i oljeprisen, ei av dei viktigaste inntektskjeldene i landet.
Den 30. august 2023 lukkast eit nytt kupp, og Raponda vart fjerna frå makta.
Kjelder
Denne artikkelen bygger på «Rose Christiane Raponda» frå , den 27. januar 2026.
Kategori:Gabonske statsministrar Kategori:Gabonske politikarar