Pinguini Tattici Nucleari, ofte forkorta til PTN, er eit italiensk indierock-/popband som vart danna i 2010 i Bergamo.
Bandet debuterte i 2012 med EP-en Cartoni animali, og det første studioalbumet Il re è nudo vart gjeve ut i 2014. I 2020 deltok bandet i Sanremo-festivalen med songen «Ringo Starr», der dei enda på tredjeplass. Sidan då har dei hatt ei rekkje suksessar, fått fleire platinaplater og nådd førsteplass på den italienske singellista fire gonger med songane «Giovani Wannabe», «Ricordi», «Nightmares» og «Islanda». Historie 2010–2018: Debut og tidlege utgjevingar Pinguini Tattici Nucleari vart danna mot slutten av 2010 i Bergamo-provinsen, og bestod opphavleg av Riccardo Zanotti (trommer), Lorenzo Pasini (gitar), Francesco Bernuzzi (vokal), Claudio Cuter (gitar) og Cristiano Marchesi (bass). Ifølgje bandmedlemmene er namnet inspirert av ølet Tactical Nuclear Penguin, produsert av det skotske bryggeriet BrewDog i 2009.
Den første EP-en, Cartoni animali, vart gjeven ut på eige initiativ i 2012. I 2014 forlét Bernuzzi bandet, og Marco Sonzogni kom inn som trommeslagar. Samstundes tok Zanotti over rolla som vokalist og frontfigur. Debutalbumet Il re è nudo vart gjeve ut same år. Mot slutten av 2015 vart Elio Biffi med på tangentfjøl og trekkspel, medan Matteo Locati tok over som trommeslagar etter Sonzogni, som forlét bandet tidleg i 2016. Med denne besetninga gav bandet ut sitt andre album, Diamo un calcio all’aldilà, 18. desember 2015.
I 2016 fekk bandet si noverande hovudbesetning då Nicola Buttafuoco vart med på gitar og Simone Pagani på bass, medan Cuter og Marchesi forlét gruppa. I april 2017 gav bandet ut sitt tredje album, Gioventù brucata. 2019–2021: Fuori dall’hype, Sanremo og kommersiell suksess I januar 2019 vart det kunngjort at Pinguini Tattici Nucleari hadde signert kontrakt med Sony Music. Det første albumet deira på selskapet, Fuori dall’hype, vart gjeve ut 5. april 2019. Singlane «Verdura» og «Irene» vart begge sertifiserte til gull av FIMI i september 2020.
I februar 2020 deltok Pinguini Tattici Nucleari i Sanremo-festivalen med songen «Ringo Starr». Under den tredje kvelden av festivalen, som er vigd til coverlåtar, framførte dei ein medley med tittelen «Settanta volte». Medleyen bestod av songane «Papaveri e papere», «Nessuno mi può giudicare», «Gianna», «Sarà perché ti amo», «Una musica può fare», «Salirò», «Sono solo parole» og «Rolls Royce». Bandet enda til slutt på tredjeplass i konkurransen. Albumet Fuori dall’hype vart sertifisert til gull i februar 2020, og har sidan vorte sertifisert fem gonger til platina.
Den 28. august 2020 gav bandet ut singelen «La storia infinita», etterfølgd av «Scooby Doo» 13. november 2020 og EP-en Ahia! 4. desember. I mars 2021 returnerte dei til Sanremo-festivalen for å akkompagnere Bugo under coverkvelden, der dei framførte «Un’avventura» av Lucio Battisti. Gjennom 2021 gav dei òg ut samarbeid med fleire artistar, mellom anna «Ferma a guardare» med Ernia og «Babaganoush» med . 2022–2023: Fake News Den 27. mai 2022, etter kunngjeringa om at dei arbeidde med eit nytt album, gav Pinguini Tattici Nucleari ut singelen «Giovani Wannabe». Den 19. august kom «Dentista Croazia», ein song som viser tilbake til starten deira. Dette vart følgt av singelen «Ricordi» 23. september, som vart den mest spelte songen på italiensk radio kort tid etter utgjevinga.
Den 13. november 2022 vann bandet prisen for Best Italian Act under MTV Europe Music Awards 2022.
Den 2. desember 2022 gav dei ut sitt femte studioalbum, Fake News. Albumutgjevinga vart markert med ei eiga utstilling i Milano. Etter albumet følgde singlane «Coca zero» 31. mars 2023 og «Rubami la notte» 19. mai 2023.
Ifølgje Spotify var Pinguini Tattici Nucleari den åttande mest strøymde artisten i Italia i 2023. 2024–i dag: Hello World Den 13. september 2024 gav Pinguini Tattici Nucleari ut singelen «Romantico ma muori», etterfølgd av «Islanda» 15. november 2024. Begge songane vart inkluderte på albumet Hello World, som vart gjeve ut 6. desember 2024. Berre éi veke etter utgjevinga vart albumet sertifisert til gull av FIMI.
Den 11. april 2025 gav bandet ut ein ny singel, ein remix av «Bottiglie vuote», i samarbeid med Max Pezzali. Sommaren 2025 la bandet ut på Hello World Tour, med konsertar på stadionar og i arenaer i juni og juli. Den 26. september 2025 vart «Amaro» gjeven ut som den fjerde singelen frå Hello World.
Merknadar
Kjelder
Denne artikkelen bygger på «Pinguini Tattici Nucleari» frå , den 10. februar 2026.
Kategori:Italienske musikkgrupper Kategori:Festival della Canzone Italiana di Sanremo-deltakarar