Stefan Zdravković (), profesjonelt kjend som Princ od Vranje , eller berre Princ, er ein serbisk songar. Han representerte Serbia i Eurovision Song Contest 2025 med songen «Mila». Tidlege år og utdanning Stefan Zdravković vart fødd i Vranje, og har budd i Beograd sidan 2002. Han var serbisk meister og visemeister i karate, og konkurrerte òg for landslaget. På vidaregåande, 15 år gammal, byrja han å spele musikk då han skipa bandet Šesta Žica saman med vener. Han er filolog av yrke, og har fullført utdanninga si ved Institutt for skandinaviske språk, litteratur og kultur – norsk språk – ved Det filologiske fakultetet ved Universitetet i Beograd. Karriere 2016–2021: Tidleg karriere Zdravković syng, og spelar både gitar og trommer. Sidan 2016 har han vore vokalist i bandet Sisyphus. I 2020 fekk han hovudrolla i rockeoperaen av Andrew Lloyd Webber og Tim Rice, arrangert av Kulturhuset i Studentski grad. Han har delteke på mange festivalar, mellom anna Slavjanski Bazaar i Kviterussland. Han vann den internasjonale musikkonkurransen River Notes i Bulgaria, og har òg vunne ein av dei største musikkfestivalane på Malta. I tillegg har han delteke på festivalar i Kasakhstan, Litauen, Italia og Spania. Han skreiv songen «Lepo moje Vranje», som vart framført av venen hans Đorđe Popović. I Glasat na Bulgaria nådde han semifinalen i 2021, etter å ha blitt vald ut blant 4 000 deltakarar. 2022–2024: Pesma za Evroviziju ’22 og ’23 Den 14. januar 2022 vart det kunngjort at Princ var ein av 36 deltakarar uttekne til Pesma za Evroviziju ’22. Den 19. januar 2022 trekte han seg likevel frå tevlinga på grunn av usemje med låtskrivar Leontina om songen «Ljubi svog čoveka». Songen vart i staden framført av , som hadde representert Makedonia i Eurovision Song Contest 2014, i ein endra versjon kalla «Ljubi, ljubi doveka».
Året etter, i 2023, vart det kunngjort at Princ skulle delta i Pesma za Evroviziju ’23 med songen «Cvet sa istoka», skriven av Dušan Bačić og arrangert av Dejan Nikolić. Dei offentlege røysteresultata synte at Princ vann publikumsrøystinga både i den første semifinalen og i finalen, men enda til slutt på andreplass etter juryens poeng, rett bak Luke Black. 2025–no: Eurovision Song Contest og «Mila»
I desember 2024 vart det kunngjort at Princ skulle delta i Pesma za Evroviziju ’25 med songen «Mila». Etter å ha kvalifisert seg frå den andre semifinalen, vann han tevlinga 28. februar 2025. Den 2. mai gav Princ ut debutalbumet sitt, Mila, som inkluderte tittellåten. I Eurovision Song Contest i Sveits deltok han i den andre semifinalen 15. mai, men kvalifiserte seg ikkje til finalen. Dette var første gong sidan 2017 at Serbia ikkje nådde finalen, og den fjerde gongen totalt. Seinare vart det kjent at han kom på 14. plass av 16 deltakarar i den andre semifinalen, noko som gjorde han til den lågaste plasserte serbiske deltakaren nokon gong.
Merknadar
Kjelder
Denne artikkelen bygger på «Princ od Vranje» frå , den 4. desember 2025.
Kategori:Serbiske songarar Kategori:Serbiske Eurovision Song Contest-deltakarar Kategori:Eurovision Song Contest 2025-deltakarar