Ebba Helfrid Lindqvist (), frå 1934 Lindqvist-Galéen, var ein svensk forfattar.
Biografi Ebba Lindqvist var fødd i Oscar Fredriks församling i Göteborgs och Bohus län og voks opp i Grebbestad. Foreldra hennar var lærarar i folkeskulen. Etter realeksamen i Strömstad og artium ved Sigrid Rudebecks gymnasium i 1926 drog ho til Uppsala, og blei i 1933 fil. mag. ved Uppsala universitet.Svenskt författarlexikon 1. 1900–1940, red. Bengt Åhlén (Stockholm: Rabén & Sjögren, 1942), s. 487. Läst 25 augusti 2023. Ho arbeidde sidan som lærar i svensk ved Göteborgs gymnasium för flickor, og deretter ved ein realskule i same by. Åra 1949–1956 var ho lyrikkmeldar i Göteborgs Handels- och Sjöfartstidning.
Lindqvist debuterte i 1931 med diktsamlinga Jord og rom, men det eigentlege gjennombrottet hennar kom med Fiskläge frå 1939, som skildrar livet i livet i Bohuslän skjergard. Ho tilhøyrde 1930-talsgenerasjonen av svenske lyrikarar, og skriv i grenselandet mellom tradisjon og modernisme. I 1939 flytta først mannen hennar og deretter Ebba Lindqvist sjølv med dei to borna sine til New York. Dei våga ikkje å vera i Sverige då andre verdskrigen nærma seg ettersom ektemannen, Ivar Galéen, var av jødisk opphav og hadde flykta frå Nazi-Tyskland. Lindqvist sine inntrykk av New York blei formidla i Manhattan (1943) og i novellsamlinga Vägen till Jeriko (1946).
Etter krigen flytta familien tilbake til Göteborg og fekk eit tredje barn. Etter nokre år forlet dei Sverige igjen, sidan Galéen var blitt send utanlands gjennom arbeidet sitt. Dei budde fyrst i Libanon, og så i Nairobi i Kenya. I 1958 kom diktsamlinga Karavan med motiv frå Det nære Austen. I 1964 kom Resa mellan fyra väggar ut, med tema stort sett henta frå Bibelen.
Mange av dikta til Ebba Lindqvist er tonesette. Komponisten Gösta Nystrom sin Symfonia del mare er bygd opp rundt tonesetjinga hans av diktet hennar Det enda. Andre komponistar som har laga musikk til Lindqvist sine dikt er Torsten Sörenson, Åke Hermansson, Alfred Janson, Maurice Karkoff, Lars Edlund, Hilding Hallnäs, Stefan Forssén, Martin Bagge, Vivan Myhrwold Lassen og Henrik Mossberg.
mini|Ebba Lindqvist Plats i Grebbestad.
I Grebbestad er det anlagt ein minnelund kalla Ebba Lindqvist Plats der fire av diktea hennar er rissa inn på steinblokkar.
Privatliv Ebba Lindqvist var dotter av folkeskulelæraren Johan Anton Lindqvist og Selma Maria, fødd Larsson. Ho gifta seg i 1934 med direktør og siviløkonom Ivar Galéen (1909-1985), son av regissøren Henrik Galeen.Svenskt författarlexikon 1. 1900–1940, red. Bengt Åhlén (Stockholm: Rabén & Sjögren, 1942), s. 487. Läst 25 augusti 2023. Saman hadde dei borna Anne-Marie, gift Blom (fødd 1934), Monica (fødd 1936) og Henrik (fødd 1947).
Bibliografi
- Tillsammans med Lennart Dahl, Carl-Axel Moberg och Helge Jedenberg.
Samlingar og utval
- Återger Lindqvists 14 diktsamlingar, utgivna 1931-1966, samt har en kort inledning av förläggaren Kjell Warne.
Prisar og utmerkingar
1949 – Avisa Ny Tids kulturpris (saman med Gösta Nystroem) 1951 – Boklotteriets stipendiat 1970 – Bellmanpriset 1970 – Ferlinpriset 1970 – Göteborgs och Bohus läns landstings kulturpris 1970 – Författarnas kulturpris (utdelt av Författarförbundet) 1986 – Tanums kommuns kulturpris «för sitt betydande litterära konstnärskap, särskilt för de redan klassiska dikterna om den bohuslänska skärgården med bakgrund i den grebbestadsmiljö hon växte upp i och ständigt återvänt till.»
Kjelder
Denne artikkelen bygger på «Ebba Lindqvist» frå , den 13. september 2025.
Kategori:Svenske diktarar Kategori:Forfattarar frå 1900-talet