Jens Martin Arctander Jenssen () var ein norsk skulemann og politikar frå Evenes i Nordland. Han var stortingsrepresentant 1945-49 frå kjøpstadene i Østfold og Akershus.
Jenssen vart i 1911 cand.philol. frå Universitetet i Oslo. 1912-15 underviste han i skulen i Vadsø, deretter var han fram til 1931 lektor i Fredrikstad. Frå 1931 til 1955 var han styrar ved den kommunale høgre allmennskulen i Sarpsborg.
Jenssen var medlem i Fredrikstad bystyre og formannskap 1920–25 og i bystyret i Sarpsborg frå 1946. Hausten 1945 vart han vald til å representere Norges Kommunistiske Parti og kjøpstadene i Østfold og Akershus i Stortinget. På Tinget hadde han sete i Lagtinget og var elles formann i Universitets- og fagskulekomiteen.
Tidvis hadde han sentrale verv i Norsk Lektorlag og i Foreningen Norden. Perioden 1947-51 var han medlem i Kringkastingsrådet.
Kjelder
Denne artikkelen bygger på «Jens Jenssen» frå , den 10. juni 2025.
Kategori:Stortingsrepresentantar 1945-1949 Kategori:Norske skulefolk