Olaf Norlis Forlag var eit norsk forlag med tilhald i Oslo. Det vart stifta i 1890 av Olaf Norli (1861–1959), som hadde starta Norli bokhandel i 1883.
Før 1940 var Norli rekna som det fremste nynorskforlaget. Norli utgav forfattarar som Olav Duun, Tore Ørjasæter, Vetle Vislie, Halvor Floden, Rasmus Løland og Tarjei Vesaas.
Johan Grundt Tanum, som eigde Tanum bokhandel og Johan Grundt Tanum Forlag frå før, kjøpte forlaget i 1959 og gjorde det om til eit aksjeselskap. I 1976 vart forlaga slått saman til Forlaget Tanum-Norli AS. Frå 1982 vart dette eit dotterselskap under H. Aschehoug & Co., og fekk seinare namna TANO A/S og Tano Aschehoug.
Kjelder
Kategori:Norske forlag Kategori:Skipingar i 1890 Kategori:Nedleggingar i 1982