Sigurd Pedersen () var ein norsk byråkrat og politikar frå Espa i Stange. Han var stortingsrepresentant 1950-53 frå kjøpstadene i Hedmark og Oppland, ordførar i Hamar 1933 og 1935, vald for Arbeidarpartiet. Frå 1935 til 1963 var han rådmann i Hamar kommune.
Pedersen voks opp i Gudbrandsdalen, der faren Iver Pedersen var stasjonsmeister i Norges Statsbaner. Han arbeidde sjølv for NSB ved Hamar stasjon i tida 1913 til -35. I 1925 vart han vald inn i kommunestyret i Vang, men flytta kort tid etter til Hamar. I 1929 vald inn i Hamar bystyre, tre år seinare fekk han plass i formannskapet. I 1933 vart han vald til ordførar gjennom loddtrekning. Etter kommunestyrevalet 1934 fekk Arbeidarpartiet fleirtal, og Pedersen kom 1935 tilbake i ordførar-stolen. Hausten 1935 fekk han stillinga som borgarmeister (=rådmann) i kommunen. Denne stillinga hadde han til 1963, og fekk dermed stor innverknad på utviklinga i Hamar. Han deltok i over hundre komitear, kommisjonar, styre og råd medan han var rådmann. Mellom anna var han styreformann for Hamar Arbeiderblad frå 1925 han døydde i 1968, og like eins styreformann i Hamar Bolig- og Byggelag 1953–68.
Frå nyår 1950 møtte Pedersen i Stortinget der han var medlem i Finanskomiteen.
1. oktober 1963 vart han utnemnd til riddar av første klasse av St. Olavs Orden.
Kjelder
Denne artikkelen bygger på «Sigurd Pedersen» frå , den 25. mars 2025.
Kategori:Stortingsrepresentantar frå Ap Kategori:Stortingsrepresentantar for byane i Hedmark og Oppland Kategori:Stortingsrepresentantar 1950-1953 Kategori:Ap-ordførarar i Hedmark Kategori:Ordførarar i Hamar Kategori:Rådmenn Kategori:Folk frå Hamar