Agnes Lovise Matre () er ein norsk skribent og forfattar.
Bakgrunn Agnes Lovise Matre blei fødd den 11. mai 1966 på Osterøy i Hordaland, og vaks opp på Vines i Hardanger og seinare i Sandeid i Rogaland frå 1974. Faren Øyvind Gunvald Matre (1937–2004) var rektor på Vines og i Sandeid. Matre har lærarutdanning ved Høgskolen Stord/Haugesund i 1995. Ho har vore frilansjournalist for avisa Karmsund (2004–2008) og for FKH Media (2008–2012). I 2017–2018 var ho fast fredagsspaltist for Haugesunds Avis. Ho jobbar i dag fulltid som forfattar.
Matre er gift med kollegaen .
Karriere Matre har sidan debuten i 2012 gjeve ut åtte romanar og krimromanar. Hennar fyrste og tredje kriminalroman Skinnet bedrar og Uvigslet jord er også omsette til tysk, og blei gjevne ut under titlane Das Schweigen des Fjords og Das Grab am Fjord hos forlaget Droemer Knaur i høvesvise september 2019 og august 2022. Hennar krimroman Fritt Vilt blei gjeven ut i Danmark hausten 2024. Ho er tatt opp som medlem av Den norske Forfatterforening, og var i januar 2018 med i interimstyret ved stiftinga av Forfatterforbundet.
Matre debuterte med den skjønnlitterære romanen Stryk meg over håret på i 2012, og følgde opp med thrilleren Kledd naken på Comino Forlag i 2015, før ho debuterte som krimforfattar med Skinnet bedrar på Gyldendal Norsk Forlag i 2017. Oppfølgjaren Iskald blei gjeven ut i mai 2019, og vann den litterære krimprisen «Sølvkniven 2020». Våren 2021 blei den tredje boka i serien hennar, Uvigslet jord, gjeven ut på den norske marknaden, og i februar 2024 kom hennar fjerde bok i serien, Fritt Vilt ut. Femte bok i same serie, Evig fred, blei gjeven ut i 2025. Kriminalromanane hennar tek handlingane sine frå Hardanger. Hausten 2021 bidrog ho med kortromanen Til døden i Vigmostad & Bjørke sin serie av spenningsbøker knytte opp mot dei ti bodorda frå Bibelen; denne skal også bli gjeven ut ut i Danmark.
Prisar og utmerkingar Vinnar av Sølvkniven (The Norwegian Silver Dagger Award) 2020 for Iskald
Bibliografi Romanar Stryk meg over håret, roman (2012) Kledd naken, roman (2015) Skinnet bedrar, kriminalroman (2017) Iskald, kriminalroman (2019) Uvigslet jord, kriminalroman (2021) Til døden, psykologisk thriller (2021) Fritt vilt, kriminalroman (2024) Evig fred, kriminalroman (2025)
Noveller «Evig din», novelle, bestillingsverk til ein internasjonal antologi for ReadOn (2019) «Likbrygga», novelle i antologien Sommerkrim (2020) «De dødes natt», novelle i antologien Julekrim (2021) «Koselig med peis», novelle i antologien Påskekrim (2022) Medforfattar: «Eksponeringsterapi», novelle i antologien Buss for tog til Bergen plyndret i natt (2023) «Rimfrosne sjeler», novelle i antologien Påskekrim (2023) Medforfattar:
Kjelder
Denne artikkelen bygger på «Agnes Lovise Matre» frå , den 18. mars 2025.
Kategori:Norske forfattarar Kategori:Norske pedagogar Kategori:Folk frå Osterøy Kategori:Folk frå Haugesund