Arne Eliasson Grønningsæter () var ein norsk lærar, kyrkjesongar og lensmann frå Grønningsæter i dåverande Norddal kommune. Han var ordførar i Hjørundfjord i 1899.
Grønningsæter var son til Elias Arnesson Grønningsæter og bror til Nils E. Grønningsæter. Han var utdanna lærar, og skulte ei tid i Sykkylven. Frå 1876 hadde han stilling som lærar og kyrkjesongar i Hjørundfjord. Han kjøpte jord og bygde hus på Rise, hadde såleis kort avstand til kyrkja på Sæbø. Også postopnar. Frå 1882 var han medlem i heradsstyret for Hjørundfjord. Han var varaordførar 1884-98, og var vald til ordførar for 1899. Hausten 1899 fekk han jobben som lensmann i Dale og flytta dit. Han busette seg på Sylte i Norddal. Han var lensmann til 1923.
Grønningsæter var gift med Nikoline Madssdotter Blindheim (1853-1899). Dei var foreldre til sju born, mellom dei Anton Grønningsæter. Arne Grønningsæter var «ein heidersmann i all si ferd.... hyggjeleg og omgjengeleg». Han hadde «eit ope sinn og stilte opp når folk hadde bruk for hans gode arbeidsevner.»
Kjelder Frå Hjørundfjord. Årsskrift nr. 46, s. 54f. 2024. Folketeljing 1900
Kategori:Ordførarar i Hjørundfjord Kategori:Folk frå Norddal Kategori:Norske skulefolk