Teemu Keisteri () er ein finsk biletkunstnar og DJ som er kjend for karakteren sin Windows95man. Som biletkunstnar fekk han heider i Finland for å skape karakteren Ukkeli i 2008. Som DJ hentar hans kunstnariske stil og utsjånad inspirasjon frå slutten av 1990-talet, då operativsystemet Windows 95 blei produsert. Han representerte Finland i Eurovision Song Contest 2024 med songen «No Rules!», saman med Henri Piispanen.
Biografi Keisteri har studert fotografi ved Institute of Design i Lahtis. Han har fortald at han i studietida lærte at han er meir biletkunstnar enn fotograf. Han er også kjend som videokunstnar, dansar og DJ. Keisteri har sitt eige kunstgalleri kalla Kalleria i Berghäll i Helsingfors.
I 2024 deltok Keisteri, som karakteren Windows95Man, saman med Henri Piispanen på vokal, i , med songen «No Rules!». Trass i at dei enda på sisteplass i juryavrøystinga, kom dei på fyrsteplass samanlagd med 313 poeng. Duoen blei dimed valde til å representere Finland i Eurovision Song Contest 2024 i Malmö. Finland deltok i den fyrste semifinalen tysdag 7. mai. Der enda dei på sjuandeplass og kvalifiserte seg til finalen laurdag 11. mai. I finalen enda Windows95man og Piispanen på 19. plass med 38 poeng.
Kjelder
YouTube: Windows95man offisiell Keisteri, Teemu: History of Ukkeli, Khaos Publishing 2016. ISBN 9789526847818 . (på finsk) Beto Guzmán Abundes: Teemu Keisteri's Art World, Nordic Style Magazine 30.5.2016. Arkivert. Denne artikkelen bygger på «Teemu Keisteri» frå , den 22. desember 2024.
Kategori:Finske musikarar Kategori:Finske kunstnarar Kategori:Finske Eurovision Song Contest-deltakarar Kategori:Finske Eurovision Song Contest-låtskrivarar Kategori:Eurovision Song Contest 2024-deltakarar Kategori:Eurovision Song Contest 2024-låtskrivarar