Farafenni eller Farafegni er ein by i Gambia, som ligg på Trans-Gambia Highway i North Bank Division, like sør for grensa med Senegal. Han er ein viktig marknadsby.
Farafenni har rundt 25.000 innbyggjarar. Hovudspråket i byen er volof, men mandinka, fula og andre språk er òg ganske vanlege.
I Farafenni ligg eit sjukehus. Byen har òg ein militærbase som blei angripen i 1995 av seks menn som etterkvart hevda å samarbeida med kuppmakaren Kukoi Sanyang.
Byen har ein vidaregåande skule, Farafenni Senior Secondary School, og to ungdomsskular, Farafenini Junior Secondary School, og Anglican Junior Secondary. Begge ligg i utkanten av byen. Det finst to grunnskoler herm Farafenni Lower Basic School, og Mauritani Lower Basic School.
venstre|mini|Lumo i Farafenni
Ulike former for handel er viktige i byen. Farafenni har ein stor marknad som ligg rett overfor Farafenni Gamtel, og i nærleiken er det butikkar og ein liten marknad på Kerewan Highway. Det blir òg halde ein marknad ein gong i veka som heiter lumo. Lumotorget ligg i utkanten av byen, ved sida av Farafenni stadion.
Farafenni ligg ved den nordlege enden av den delen av Trans-Gambia Highway som omfattar Senegambiabrua. høgre|mini|300x300pk|Trans-Gambia Highway
Kjelder
Denne artikkelen bygger på «Farafenni» frå , den 23. august 2024.
Kategori:Byar i Gambia