Blanktjønnaks (Potamogeton lucens) er ei plante i tjønnaksslekta i tjønnaksfamilien. Arten finst i Europa, Asia og nordvestlege Afrika.
I Noreg er arten heimleg i næringsrikt ferskvatn, men sjeldan. Arten er funnen på Austlandet, i Rogaland og i Trøndelag. I Raudlista 2021 er arten rekna som sterkt truga (EN).
Blanktjønnaks dannar ein hybrid med med grastjønnaks (P. gramineus × P. lucens eller P. ×zizii, òg kalla P. ×angustifolius), som har fått sitt eige normerte norske namn glanstjønnaks. Det er òg gjort funn i Trøndelag av ein hybrid mellom dei tre artane grastjønnaks, blanktjønnaks og hjartetjønnaks (P. gramineus × P. lucens × P. perfoliatus eller P. ×torssanderi).
Kjelder
Bakgrunnsstoff
Kategori:Tjønnaksslekta