Gordon Duncan () var ein skotsk sekkepipespelar, fløytespelar og komponist, fødd i Turriff i Aberdeenshire.
Bakgrunn Duncan var fødd i Turriff i Aberdeenshire den 14. mai 1964. Foreldra hans var forpaktaren og balladesongaren Jock Duncan og Frances Duncan. Jock Duncan blei medlem av North of Scotland Hydro-Electric Board kort tid etter at Duncan var fødd, og familien flytta til Thurso og deretter til Pitlochry. Gordon fekk opphavleg opplæring av far sin. Han byrja spela sekkepipe då han var 10 år, og vann mange junior-konkurransar under rettleiinga til Walter Drysdale. Han byrja å miste interessa for konkurransespel då han var 18 år, og var blitt snikkarlærling.
Karriere Han fekk merksemd frå folkemusikkgrupper, og drog på turnéar i USA og Europa med Tannahill Weavers, Wolfstone og Ceolbeg. Han blei tilknytt Dougie MacLean, og spelte blekkfløyte på albuma hans. Han byrja å komponera kort tid seinare, etter å ha reist gjennom Europa og opplevd andre musikktradisjonar, særleg bretonsk musikk.
Han var ein svært innverknadsrik sekkepipespelar som braut grensene til tradisjonell sekkepipemusikk. Han var medlem av Vale of Atholl Pipe Band, og speidde òg med Atholl Highlanders, i tillegg til å bli signert av Greentrax som soloartist.
Duncan skapte ein ny stil med idiosynkratisk sekkepipemusikk. Han nytta òg sekkepipe i ein versjon av AC/DC sin som «Thunderstruck». Musikken hans er blitt høyrt ved T in the Park, Celtic Connections, Celtic Colours i Canada, Lorient-festivalen i Bretagne, der han vann MacAllan Trophy to gongar, og Fleadh Cheoil i Irland.
Han arbeidde som renovasjonsarbeidar, og var kjend for å skribla komposisjonar på sigarettpakkar medan han var på jobb.
Komposisjonar Duncan skreiv over hundre melodiar i livet sitt. Det kanskje best kjende verket hans, «Andy Renwick's Ferret», blei framført og spelt inn internasjonalt.
Han arrangerte musikk for sekkepipekorpsa Vale of Atholl og ScottishPower.
Død 14. desember 2005 blei Duncan funnen død heime i Perthshire etter ein lang kamp med alkoholisme. Graveferda hans blei haldnad ved Pitlochry Church of Scotland og hadde hundrevis av sekkepipespelarar til stades.
I 2007 blei det halde ein konsert til minne om han, A National Treasure, i Perth arrangert av Gordon Duncan Memorial Trust. Dei neste fire åra synte BBC fram denne konserten. I januar 2016 blei det halde ein ny minnekonsert, Just for Gordon - Celebrating a National Treasure, ved Glasgow Royal Concert Hall som del av Celtic Connections.
Privatliv Duncan hadde ei kone, Mary, og ein son, Gordon, to systrar, og ein bror, Ian Duncan, som òg er sekkepipespelar.
Diskografi Gordon Duncan spelte inn tre soloalbum, og eit album til blei samla og gjeve ut etter at han døydde av tidlegare oppteke materiale.
Just for Seumas (1994) Circular Breath (1997) Thunderstruck (2003) Just for Gordon (2007)
Kjelder
Denne artikkelen bygger på «Gordon Duncan» frå , den 6. januar 2024.
Kategori:Skotske komponistar Kategori:Folk frå Turriff Kategori:Skotske sekkepipespelarar