Zoltán Magyar () er ein ungarsk tidlegare turnar frå Budapest. Frå 1973 til 1980 var han verdas beste turnar i bøylehest. I åtteårs-perioden vann han denne øvinga i kvar einaste store meistermøte.
Magyar slo gjennom i året 1973 og vart i Grenoble europameister i bøylehest. I Turn-VM 1974 i Varna slo han i same øvinga den sterke russaren Nikolaj Andrianov med 0,20 poeng. Ved EM i 1975 i Bern forsvarte Magyar sin tittel frå 1973. Med fjerdeplass i Bern presterte han sitt livs beste mangekamp. Under Sommar-OL 1976 i Montreal kom han på femteplass i hopp. Nok ein gong var han uslåeleg i bøylehest, med 19,70 poeng oppnådde han den høgste skåra i nokon av apparat-finalane. I Vilnius i 1977 vann han for tredje gong bøylehest i europameisterskap. Ved Turn-VM 1978 vart han tildelt heile 19,800 poeng i bøylehest og slo andre andremann med 0,375 poeng, hans aller største sigersmargin. Eitt år seinare, ved Turn-VM 1979 i Fort Worth, forsvarte Magyar meistertittelen med sine 19,825 poeng. Under dei olympiske sommarleikane i Moskva i 1980 vann han bronse med det ungarske mannskapet i lagekamp. På bøylehesten oppnådde Magyar enno ein gong den høgste poengsummen av alle med sine 19,925 poeng.
Kjelder
Denne artikkelen bygger på «Zoltán Magyar» frå , den 2. januar 2024.
Kategori:Ungarske turnarar Kategori:Olympiske meistrar for Ungarn Kategori:Olympiske bronsemedaljevinnarar for Ungarn Kategori:Ungarske deltakarar under sommar-OL 1972 Kategori:Gymnastar under sommar-OL 1972 Kategori:Medaljevinnarar under sommar-OL 1976 Kategori:Ungarske deltakarar under sommar-OL 1976 Kategori:Gymnastar under sommar-OL 1976 Kategori:Medaljevinnarar under sommar-OL 1980 Kategori:Ungarske deltakarar under sommar-OL 1980 Kategori:Gymnastar under sommar-OL 1980 Kategori:Verdsmeistrar i turn Kategori:Folk frå Budapest