«'Let the Good Times Roll'» er ein jump blues-låt spelt inn i 1946 av Louis Jordan og hans Tympany Five. Songen er ein tolvtaktars blues i middels tempo og vart ein bluesstandard og ein av dei mest kjende songane til Jordan.

Komposisjon «Let the Good Times Roll» er «Louis Jordan sin sprudlande festinvitasjon»:

Songen vart skriven av Sam Theard, ein New Orleans-fødd bluessongar og låtskrivar, og vart medkredittert til Fleecie Moore, kona til Jordan.Fleecie Moore, Jordans kones namn, vart nokre gonger bytt ut med Jordans for å omgå ein ulagleg forlagskontrakt; denne strategien slo feil då Louis og Fleecie skilde seg bittert, og ho beheldt eigarskapen til songane han hadde sett namnet sitt på - og dermed nekta han inntekter frå dei. Chilton (1997). s. 110. Theard viste Jordan songen første gongen i 1942, medan han spelte på klubbar i Chicago. Melodien utvikla seg gjennom åra, heilt til Jordan spelte han inn i New York City i juni 1946.

Hitlister og anerkjenning «Let the Good Times Roll» nådde andreplassen på Billboard R&B Chart i 1947. Baksida, «Ain't Nobody Here but Us Chickens», vart den beste nummer ein-plata i 1947 – begge låtane låg nesten seks månader på lista. I 2009 vart songen anerkjend med ein Grammy Hall of Fame Award. Jordan og Tympany Five framførte songen i filmen Reet, Petite, and Gone frå 1947, sjølv om det er studioinnspelinga og ikkje ein liveopptreden som er brukt i filmen.

Blues Foundation innlemma songen i sin Hall of Fame i 2013 i kategorien «Classic of Blues Recording - Singles or Album Tracks». I kunngjeringa om innlemminga heiter det at songen «vart ein standard showopnar for tallause bluesartistar gjennom åra, frå B.B. King til Koko Taylor». «Let the Good Times Roll» har òg vorte identifisert som inspirasjonskjelde til «Come On» av Earl King og «Bon Ton Roulet» av Clifton Chenier.

Kjelder

Denne artikkelen bygger på «Let the Good Times Roll (Louis Jordan song)» frå , den 19. juli 2023. oppgav desse kjeldene:  

Kategori:Songar frå 1946 Kategori:Louis Jordan-songar Kategori:Ray Charles-songar Kategori:B.B. King-songar Kategori:Grammy Hall of Fame Award Kategori:Songar skrivne av Sam Theard