Grunde Kreken Almeland () er ein norsk politikar frå Øystese i Hordaland som har representert Oslo og partiet Venstre på Stortinget i perioden 2018–2020 og sidan 2021.
Almeland har studert jus ved Universitetet i Oslo. Han engasjerte seg i Oslo Venstre og var perioden frå 2017 til 2021 vararepresentant til Stortinget. Då partikollega Ola Elvestuen 2018–2020 var statsråd i Solberg-regjeringa, møtte Almeland fast på Stortinget. Frå januar 2020 til oktober 2021 var han så statssekretær i Kunnskapsdepartementet under Trine Skei Grande og etterfylgjaren Guri Melby.
Ved stortingsvalet 2021 var Almeland tredjekandidat for Oslo Venstre og fekk sete i Stortinget på eit utjamningsmandat. Han er frå 2021 leiar i Familie- og kulturkomitéen.
Kjelder
Kategori:Stortingsrepresentantar 2017-2021 Kategori:Stortingsrepresentantar 2021-2025 Kategori:Folk frå Kvam Kategori:Stortingsrepresentantar frå Venstre