Radjasthani er ei gruppe indoariske dialektar som blir tala i Rajasthan og i tilstøytande delstatar i India, og av handelsfolk som reiser over heile landet.
Radjasthani kan delast inn i fire dialektgrupper:
Marvari, vestlege målføre, snakka av om lag 2/3 av innbyggjarane i Rajasthan Austlege målføre: Djaipuri, haurati og adjmeri Nordaustlege målføre: Mevati og ahirvati Malvi, tala nordvest i Madhya Pradesh
Dialektane har tradisjonelt blitt rekna som ei form av hindi — i folketeljinga i 1971 blei halvparten av dei om lag 20 millionar talarane rekna som hinditalarar. Språkforskarar har likevel funne at språka skil seg frå hindi både fonologisk, morfologisk, syntaktisk og når det gjeld ordforråd.
Kjelder
G.A. Zograph: Languages of South Asia, 1960 (translated by G.L. Campbell, 1982), Routledge, London. Engelsk Wikipedia
Bakgrunnsstoff Radjasthani-engelsk ordliste Ethnologue-rapport
Kategori:Indoariske språk