David Director Friedman () er ein amerikansk økonom, fysikar, jurist og anarkokapitalistisk teoretikar, skildra av Walter Block som ein «fri marknad-anarkist». Sjølv om han studerte kjemi og fysikk, og ikkje juss eller økonomi, handlar hans verk og teoriar mest om mikroøkonomi og den libertarianistiske tanken om anarkokapitalisme, som mellom anna hans mest kjente verk The Machinery of Freedom reflekterer.
Bakgrunn David Friedman er son av Rose Friedman og Milton Friedman, som begge var utdanna økonomar.Free Market Mojo. "An Interview with David D. Friedman" . David vart uteksaminert frå Harvard University i 1965 med ein bachelorgrad innan kjemi og fysikk.Faculty Profile: David Friedman . Santa Clara Law School Seinare oppnådde han ein mastergrad i 1967, og ein PhD i 1971 i teoretisk fysikk ved University of Chicago. Han tok aldri nokre akademiske kurs innan juss eller økonomi. Han var jussprofessor ved Santa Clara University frå 2005 til 2017. Sidan 2017 har han vore professor emeritus ved Santa Clara University. Friedman definerer seg sjølv som ein ateist.Friedman, David D. "Atheism and Religion", Ideas. Sonen hans, Patri Friedman, har òg skrive om libertarianisme og marknadsanarkisme.
The Machinery of Freedom I boka hans The Machinery of Freedom, skisserer Friedman ei form for anarkokapitalisme der alle godane i samfunnet, til og med juridiske lover, skal vera forma og styrt av den frie marknaden. Friedman tek til orde for ei stegvis tilnærming for å oppnå anarkokapitalisme ved ei gradvis privatisering av område som styresmakta har jurisdiksjon over og til slutt privatisering av sjølve lovverket i staten. I boka likevel tek han avstand frå ein valdeleg anarkokapitalistisk revolusjon.
Han har ein konsekvensialistisk versjon av anarkokapitalisme, der han viser til viktigheita av ein nytte-kostnadsanalyse om ein stat kontra ingen stat.Morris, Christopher. 1992. An Essay on the Modern State. Cambridge University Press. p. 62. Dette er ein kontrast til det dei høgre-libertarianarane fremjar, særskild av økonomen og høgre-libertarainaren Murray Rothbard.
David Friedman har teke til orde for ein ikkje-intervensjonistisk utanrikspolitikk.David D. Friedman. The Machinery of Freedom: «Is there a libertarian Foreign Policy?». 2. utg.
Fantasybøker David Friedman er ein ivrig beundrar av science fiction, og har fylgjeleg skrive tre fantasybøker, Harald (2006), Salamander (2011) og Brothers (2020).
Bibliografi Sakprosa 1988. Cariadoc's Miscellany. 1990 (2. utg.; 1. utg.: 1986). Price Theory: An Intermediate Text. Southwestern Publishing. 1996. Hidden Order: The Economics of Everyday Life. . 2000. Law's Order: What Economics Has to Do with Law and Why It Matters. Princeton Univ. Press. 2005. «The Case for Privacy» i boka Contemporary Debates in Applied Ethics. Wiley-Blackwell. 2008. Future Imperfect: Technology and Freedom in an Uncertain World. 2015 (3. utg.; 2. utg.: 1989; 1. utg.: 1973). The Machinery of Freedom. 2019. Legal Systems Very Different from Ours.
Skjønnlitteratur 2006. Harald. ISBN 9781416520566 2011. Salamander. ISBN 9781470084370 2020. Brothers. ISBN 979-8606730414
Kjelder
Denne artikkelen bygger på «David D. Friedman» frå , den 9. desember 2022.
Bakgrunnsstoff
Offisiell nettstad David D. Friedman i Amazon.com David D. Friedman i Santa Clara University. David D. Friedman sine publikasjonar i Google Scholar. Booknotes intervju av Friedman om Hidden Order: The Economics of Everyday Life. 20. oktober, 1996.
Kategori:Elevar ved University of Chicago Kategori:Jusprofessorar Kategori:Jødiske fysikarar