Île-de-France er ei folketom øy i Grønlandshavet ved Grønland. Øya har ei flatevidd på 246,1 km ² og ei kystline på 71,9 kilometer. Ho ligg ved sørdelen av Jøkelbugten og søraust for Danske Øer.Place names, NE Greenland
Skærfjorden ligg sørvest for sørenden av Île-de-France. Dette er ein brei fjord med fleire armar som går vestover.
Historie Det er gjort ei rekkje arkeologiske funn på øya etter førhistoriske kulturar, truleg den såkalla Independence II-kulturen. Den største samlinga bustader frå denne kulturen er funnen på Kap Skt. Jacques på øya, med restar etter 400-500 bustader. Det er mogleg at ulike grupper samla seg her med jamne mellomrom.
Øya blei gjeven namn i 1905 av hertugen av Orléans under Hertugen av Orléans sin Arktis-ekspedisjon då han utforska nordaustkysten av Grønland ombord i «Belgica».Catalogue of place names in northern East Greenland, Geological Survey of Denmark and Greenland
Kjelder
Denne artikkelen bygger på «Île-de-France (Greenland)» frå , den 24. november 2022.
Kategori:Øyar på Grønland