Ina Blenda Augusta Lange, fødd Forstén () var ein finlandssvensk pianist og forfattar. Ho nytta pseudonymet Daniel Sten.
Liv Lange var fødd i Helsingfors. Foreldra hennar var assessoren Johan August Forstén (1815-1881) og Augusta Vilhelmina Danielsson (1820-1878). Ho hadde to sysken. I 1876 gifta ho seg med operasongaren Algot Lange (1850-1904). Saman fekk dei sonen Åke Mortimer Lange, seinare kjend som oppdagingsreisaren Algot Lange, i 1884. Dei skilde seg 1898.
Lange fekk privatundervising heime og studerte deretter ved Julie Reyers höhere Töchterschule i Berlin frå 1870 til 1871. Ho fekk opplæring av pianisten Carl Tausig og fortsette studia ved musikkonservatoriet i Moskva, blant anna under Nikolaj Rubinstein og Pjotr Tsjajkovskij.
I 1875 var ho på turné i Stockholm, der ho blei kjend med August Strindberg. Strindberg fridde til Lange sjølv om ho var trulova med vennen hans Algot Lange, og det oppstod eit trekantdrama. Lange presenterte seinare Siri von Essen for Strindberg, som han blei gift med. Algot Lange opptrer i Strindberg sin roman Röda rummet, medan Ina Lange opptrer i Han och hon og En dåres försvarstal.Gedin 2004, s. 127
Lange debuterte som forfattarar i 1884 med Bland ödebygder och skär, og følgde han opp året etter med romanen Sämre folk. Denne var dedikert tll Anne Charlotte Leffler.Gedin 2004, s. 127 Fyrst skreiv ho under pseudonymet Daniel Sten, men seinare skreiv ho under sitt eige namn.
Frå 1885 var Lange kammerpianist ved danske hoffet. Mellom 1912 og 1919 gav ho ut fleire populære musikhistoriske verk. Frå 1913 var ho busett i Malmö. Ho heldt òg forelesingar i musikkhistorie i København og Sør-Sverige.
Bibliografi
Skjønnlitteratur
Anna
Kjelder
Denne artikkelen bygger på «Ina Lange» frå , den 25. mai 2022. oppgav desse kjeldene:
Heggestad, Eva (1991). Fången och fri: 1880-talets svenska kvinnliga författare om hemmet, yrkeslivet och konstnärskapet. Uppsala: Avd. för litteratursociologi vid Litteraturvetenskapliga institutionen, Univ. Libris 7746142. ISBN 91-85178-19-5
Fotnotar
Bakgrunnsstoff
Holmström, Roger (2005). ”Under berättelsens yta: Ina Lange”. Att ge röst : omvärld och identitet i några nyländska folklivsberättelser / (2005): sid. 24-44. Libris 9933737
”Lange, Ina”. Biografiskt lexikon för Finland. Helsingfors: Svenska litteratursällskapet i Finland. 2008–2011. URN:NBN:fi:sls-4609-1416928957215
Kategori:Finlandssvenske forfattarar Kategori:Finske musikarar Kategori:Folk frå Helsingfors