Orchis anthropophora er ei plante i vårmarihandslekta Orchis i orkidéfamilien (marihandfamilien) Orchidaceae. Arten veks ikkje i Noreg. Han var tidlegare rekna til ei eiga slekt Aceras med namnet Aceras anthropophorum.
Utbreiing Arten finst i Europa sør for Danmark, heilt vest i Asia og nordvest i Afrika.
O. anthropophora (engelsk namn man orchid) veks heilt søraust i Storbritannia, og er verna gjennom den britiske Handlingsplan for biodiversitet. I den britiske raudlista har arten fra 2025 endra status frå sterkt truga til sårbar (VU), lokalt i England rekna som sterkt truga (EN).
I Benelux veks arten (nederlandsk namn poppenorchis, fransk namn orchis homme-pendu) i Nederland i sanddyner på kysten og i Limburg. I Belgia er han sjeldan i Flandern og er truleg gått ut på kysten. Han er litt vanlegare i Vallonia. I den nederlandske raudlista er arten rekna som kritisk truga (CR, ernstig bedreigd). I Belgia er han rekna som nær truga (NT, bijna in gevaar) i Flandern og sårbar (VU, vulnérable) i Vallonia. I Luxembourg er han rekna som sterkt truga (EN). I Tyskland er arten (tysk namn Ohnhorn-Knabenkraut) rekna som sårbar (VU, gefährdet).
Hybridar I England er det registrert at Orchis anthropophora har danna hybridar med Orchis simia (Orchis anthropophora × simia, òg kalla Orchis ×bergonii) og med purpurnøklar (Orchis anthropophora × purpurea, òg kalla Orchis ×macra). Båe er påviste i Kent.
Referansar
Bakgrunnsstoff
Kategori:Orkidear i Storbritannia Kategori:Orkidear i Nederland Kategori:Orkidear i Belgia Kategori:Orkidear i Luxembourg Kategori:Orkidear i Tyskland Kategori:Vårmarihandslekta