Nils Severin Lynge Hansteen () var ein norsk målar som var kjend som ein av dei viktige landskaps- og marinemålarane på andre halvdel av 1800-talet.
Hansteen var son av soknepresten Agathon Bartholomæus Hansteen og Aletta Schjelderup. Han var fødd i Mo i Rana, og budde her til han var rundt 16. Deretter drog han til Trondheim, der han byrja på ein mekanisk verkstad for å bli ingeniør. I 1873 drog han i staden til Kristiania for å bli målar. Han studerte m.a. under Knud Bergslien og Morten Müller (1873–76) og Peder Cappelen Thurmann (1874–75). Så følgde fleire utanlandsopphald, hos Hans Gude (Karlsruhe, 1876), i München (1877–80), i Italia (1880–81), og dessutan København (1887–92) der han studerte koparstikk.
Måleria til Hansteen har blitt stilt ut i viktige galleri i heile landet, mellom anna Nasjonalgalleriet. Her finn ein det store marinebildet Snetykke (1890). Han teikna òg til julekort, og illustrerte bøker, mellom anna Gamle Visestubber fra Barnekammeret (1897) av Hanna Winsnes.
Hansteen gifta seg med Mimmi Hoffeldt Rytterager i 1886.
Prisar og utmerkingar
Bronsemedalje ved verdsutstillinga i Paris i 1889 Riddar av St. Wladimirs orden
Galleri
Kjelder
Denne artikkelen bygger på «Nils Hansteen» frå , den 25. januar 2022.
Kategori:Folk frå Rana Kategori:Landskapsmålarar Kategori:Norske målarar Kategori:Målarar frå 1800-talet