Ingeborg Heldal () er ein norsk journalist og redaktør. Ho vart landskjend i samband med ein episode knytta opp til noregsbesøket til president Bill Clinton i 1999. Heldal har sidan 2017 vore redaktør for kvinnemagasinet KK.
Karriere Heldal vart fødd i Ringsaker. I 1992 flytta ho til Trondheim for å studere tysk og historie. Etter det flytta ho til Oslo for å ta sosiologipedagogikk, og fekk i 1997 jobb som klasseforstandar ved Uranienborg skole i Oslo, ei stilling ho hadde til 2000.
Hausten 1999 vart Heldal rikskjendis då den amerikanske presidenten Bill Clinton tilfeldigvis stoppa opp og prata med ho utanfor Slottet i Oslo. Clinton var på noregsbesøk då den aktuelle hendinga skjedde. Pressa trekte umiddelbare parallellen til Monica Lewinsky, og dimed gjekk bileta av Heldal og president Clinton verda over. Aviser og TV-stasjonar kontakta henne og 19. november deltok ho på Fredrik Skavlan sitt talkshow Først & sist. Ho var òg gjest på nederlandsk TV. Året etter fekk Heldal ein programleiarjobb i NRK der ho leia familieprogrammet Ryk eller reis. Hausten 2000 jobba ho som utegåande reporter i Du skal danse mye, og arbeidde same haust med research og sketsjar til barneserien Hjemmefronten på NRK2. Våren 2001 var Heldal programleiar for Melodi Grand Prix 2001 frå Tromsø. I 2001, 2002 og 2003 var ho programleiar for det påskesende barneprogrammet Påskemorgen. I 2008 var ho jurymedlem i det TV3-sende programmet Top Model Norge.
I perioden 2002 til 2004 studerte Heldal journalistikk på Norsk journalisthøgskole i Oslo. Etter eit kort opphald i Se og Hør i 2003, arbeidde ho i perioden 2004–2007 som skribent for kvinnemagasinet KK. Frå 2007 til 2012 var ho sjefredaktør i Cosmopolitan.Heldal slutter i Cosmopolitan. seher.no (21. juni 2012) Frå 2008 til 2010 var Heldal òg ein av programleiarane for Studio 5. Frå 2012 til 2013 var ho journalist, filmkritikar og programleiar i Viasat Film. I 2013 vart Heldal tilsett som redaktør i Side2, Nettavisen sitt livsstilsmagasin for kvinner.Ingeborg Heldal (40). journalisten.no (7. november 2013) I 2017 vart ho tilsett som redaktør for kvinnebladet KK, der ho tidlegare hadde jobba som journalist.«Ingeborg Heldal forblir redaktør for KK. Går fra konstituert til fast rolle», Journalisten 30. oktober 2017
Familie I 2008 gifta Heldal seg med journalist Halvor Haugen (f. 1981).
Referansar
Denne artikkelen bygger på «Ingeborg Heldal» frå , den 23. november 2021.
Kategori:Norske pedagogar Kategori:Norske journalistar Kategori:Folk frå Ringsaker Kategori:Norske redaktørar Kategori:Programleiarar for NRK